Ўзбекистон ва Афғонистон $520 млнлик келишувга эришди

Кобул шаҳрида ўтган бизнес-конференцияда Ўзбекистон ва Афғонистон тадбиркорлари 520 миллион долларлик 38 та савдо келишувини имзолади.

Унда Андижон вилояти тадбиркорлари ҳам фаол иштирок этиб, афғон ҳамкорлар билан янги лойиҳаларни бошлашга келишиб олди.

Сўнгги вақтларда икки давлат ўртасидаги иқтисодий алоқалар анча фаоллашган. Масалан, охирги икки ойнинг ўзида 1,4 миллиард доллардан зиёд 100 дан ортиқ келишувлар тузилган.

Афғонистон расмийси Нуриддин Азизий Ўзбекистон маҳсулотлари учун мамлакатда катта имкониятлар борлигини айтди.

Андижон вилояти ҳокими Шухрат Абдураҳмонов эса цемент, кабель, дори-дармон ва пойабзал ишлаб чиқариш бўйича қўшма лойиҳалар режалаштирилаётганини билдирди.