Тошкент шаҳар ҳокимлиги “Очиқлик индекси”да энг паст ўринни эгаллади

Унга кўра, Тошкент шаҳар ҳокимлиги энг ёпиқ давлат органлари қаторида биринчи ўринни эгаллади.

Маълум қилинишича, рейтинг доирасида жами 97 та вазирлик, идора ва маҳаллий ҳокимият органлари баҳоланган. Индекс 100 баллик тизимда 84 та мезон асосида шакллантирилиб, уч тоифага ажратилган:

• “яхши” (81–100 балл),
• “қониқарли” (55–80 балл),

• “қониқарсиз” (55 баллдан паст).

   

  

Натижалар

2025 йил якунларига кўра:

• 66 та ташкилот “яхши” тоифага,
• 22 та ташкилот “қониқарли” тоифага,
• 9 та ташкилот “қониқарсиз” тоифага киритилди.

2022 йил билан солиштирганда ижобий динамика кузатилган: “яшил” тоифадаги ташкилотлар сони 3,5 баробарга, “сариқ” тоифа 2 баробарга ошган, “қизил” тоифа эса 3 баробарга камайган.

Энг очиқ ташкилотлар

Қуйидаги ташкилотлар энг юқори очиқлик кўрсаткичларини намойиш этди:

• Навоий кон-металлургия комбинати
• Ўзбекгидроэнерго
• Ўзавтосаноат
• Транспорт назорати инспекцияси
• Олмалиқ кон-металлургия комбинати
• Рақамли технологиялар вазирлиги
• Адлия вазирлиги

 Энг паст кўрсаткичлар

Республика даражасида энг паст натижалар:

• Ўрмонлар ва яшил ҳудудларни кўпайтириш агентлиги
• Ўзбекистон темир йўллари

Ҳудудлар кесимида эса “қизил” тоифага:

• Андижон вилояти
• Тошкент шаҳар ҳокимликлари киритилди.

Агентлик келгусида баҳолаш тизимини кенгайтиришни режалаштирмоқда. Жумладан, 2026 йил иккинчи ярмидан бошлаб маҳаллий даражада — туман ва шаҳар ҳокимликлари фаолияти очиқлиги ҳам махсус платформа орқали баҳоланиши кутилмоқда.