АҚШ музокарачилари кетиши билан Россия Киевга ҳужум бошлади

8 сентябрь куни эрта тонгда, АҚШ музокарачилари жўнаб кетганидан кўп ўтмай, Россия Украина пойтахти Киевга ҳаво ҳужумларини қайта бошлади. Бу ҳақда Reuters ёзди.

Шаҳар мэри Виталий Кличконинг маълум қилишича, шаҳарга баллистик ракеталар билан ҳужум қилинган ва олти киши жароҳатланган.

“Одамлар турар жой биносида қолиб кетган, Киевнинг турли жойларида ёнғинлар чиққан”, — деб ёзди Кличко Telegram’да.

Киев ҳарбий маъмуриятига кўра, қулаган вайроналар оқибатида беш қаватли турар жой биноси ва уч қаватли уй шикастланган ҳамда одамлардан бошпана излаш сўралган.

Киевда портлашлар эшитилаётган бир пайтда, қўшни Польша ҳаво ҳудудининг бузилиши хавфидан ҳимояланиш учун ҳарбий авиация амалиётларини бошлади.

Украина Саратов вилоятига зарба берди

Вилоят губернаторининг сўзларига кўра, Россиянинг Саратов шаҳрида Украина дронлари ҳужуми оқибатида фуқаролик инфратузилмаси шикастланган ва одамлар жароҳатланган. Бу шаҳар Волга дарёси бўйида, Москвадан тахминан 730 км жануби-шарқда жойлашган.

Бу ҳудудда “Роснефть” (ROSN.MM) давлат нефть компанияси томонидан бошқариладиган йирик нефтьни қайта ишлаш заводи ҳамда бир қатор саноат ва ҳарбий объектлар жойлашган.