Россия ва Украина 15 нафар фуқаросини алмашди

Гуманитар алмашинув Беларусь ва Украина чегарасидаги «Новая Гута» назорат-ўтказиш пунктида бўлиб ўтди. Жараёнда Халқаро Қизил Хоч қўмитасининг Россия ва Беларусьдаги минтақавий делегацияси ҳам иштирок этган.

Маълумотларга кўра, алмашинувда пенсионерлар ва ногиронлиги бўлган шахслар ҳам бор.

Ҳалок бўлган ҳарбийлар жасадлари ҳам алмашилди

Шунингдек, Россия ва Украина ҳалок бўлган ҳарбийлар жасадларини ҳам алмашди. Россия томони Украинага 261 та, Украина томони эса Россияга 24 та жасад топширган. Бу маълумот бир нечта манба томонидан тасдиқланган.

Ҳарбий асирларнинг сўнгги йирик алмашинуви эса 26 июнь куни бўлиб, томонлар 160 нафардан ҳарбий асирни бир-бирига қайтарган эди.