Германия Ғазо аҳолисига ёрдам бериш учун "ҳаво кўприги" яратилганини эълон қилди

“Биз бу Ғазо аҳолисига жуда оз ёрдам эканлигини биламиз. Бироқ, ҳеч бўлмаганда, бу биз ҳисса қўшмоқчи бўлган ёрдамдир”, — деган Германия канцлери.

Германия мудофаа вазири Борис Писториус Франция ва Буюк Британия билан ҳаракатларни яқиндан мувофиқлаштиради маълум қилди.

Унинг сўзларига кўра, мамлакатлар озиқ-овқат ва дори-дармонлар билан таъминлашга тайёр.

“Исроил Ғазодаги фожиали инсонпарварлик вазиятини зудлик билан, ҳар томонлама ва узоқ муддатга яхшилаши шарт”, — деган Германия канцлери.

Германия кенг қамровли ўт очишни тўхтатишга чақирмоқда

Германия ҳукумати Исроил 27 июлда бошлаган озиқ-овқат таъминотини кўпайтириш фақат биринчи қадам бўлиши керак ҳисобламоқда. Ҳукумат Исроилни қисқа муддатли пауза эмас, кенг қамровли ўт очишни тўхтатишга чақирмоқда.

Германия канслаэрининг айтишича, ҲАМАС ҳаракати исроиллик гаровга олинганларни озод қилиши ва қуролларини ташлаши керак.

“Федерал ҳукуматнинг фикрича, 2023 йил 7-октабрда Ғазодаги жангларга айнан ҲАМАСнинг шафқатсиз ва ғайриинсоний террори сабаб бўлганига шубҳа йўқ”, — дея хулоса қилди Мерц.

 

Айни вақтда АҚШ президенти Доналд Трамп Ғазо секторидаги вазиятни “даҳшатли” деб атади ва фаластинлик тинч аҳолига гуманитар ёрдам етказилиши давом этишини маълум қилди. Оқ уй раҳбари таъкидлаганидек, "Исроил минтақага ёрдам юкларнинг етиб боришини таъминлаш учун катта масъулият юклайди".

Эслатиб ўтамиз, бир кун аввал Исроил мудофаа кучлари (ИДФ) Телеграм'да Ғазо секторига етиб келаётган инсонпарварлик ёрдами ҳажмини ошириш учун гуманитар мақсадларда маҳаллий вақт билан 10:00 дан 20:00 гача (Москва вақти билан тўғри келади) ҳарбий амалиётларда тактик пауза жорий этишини маълум қилган эди.

Маълум бўлишича, Исроилнинг бу қарори БМТ ва халқаро ташкилотлар билан келишилган.

Бундан ташқари, маҳаллий вақт билан соат 06:00 дан 23:00 гача БМТ аҳолига озиқ-овқат ҳамда дори-дармонларни етказиб берувчи ва тарқатувчи гуманитар карвонларнинг сектор бўйлаб хавфсиз ўтишини таъминлаш учун махсус йўналишлар ташкил этилади.

Гуманитар ёрдам олиб кетаётган биринчи юк машиналари аввалроқ Миср ва Ғазо сектори ўртасидаги Рафаҳ чегара пунктини кесиб ўтган.