Germaniya Gʻazo aholisiga yordam berish uchun "havo koʻprigi" yaratilganini eʼlon qildi

“Biz bu Gʻazo aholisiga juda oz yordam ekanligini bilamiz. Biroq, hech boʻlmaganda, bu biz hissa qoʻshmoqchi boʻlgan yordamdir”, — degan Germaniya kansleri.

Germaniya mudofaa vaziri Boris Pistorius Fransiya va Buyuk Britaniya bilan harakatlarni yaqindan muvofiqlashtiradi maʼlum qildi.

Uning soʻzlariga koʻra, mamlakatlar oziq-ovqat va dori-darmonlar bilan taʼminlashga tayyor.

“Isroil Gʻazodagi fojiali insonparvarlik vaziyatini zudlik bilan, har tomonlama va uzoq muddatga yaxshilashi shart”, — degan Germaniya kansleri.

Germaniya keng qamrovli oʻt ochishni toʻxtatishga chaqirmoqda

Germaniya hukumati Isroil 27 iyulda boshlagan oziq-ovqat taʼminotini koʻpaytirish faqat birinchi qadam boʻlishi kerak hisoblamoqda. Hukumat Isroilni qisqa muddatli pauza emas, keng qamrovli oʻt ochishni toʻxtatishga chaqirmoqda.

Germaniya kanslaerining aytishicha, HAMAS harakati isroillik garovga olinganlarni ozod qilishi va qurollarini tashlashi kerak.

“Federal hukumatning fikricha, 2023 yil 7-oktabrda Gʻazodagi janglarga aynan HAMASning shafqatsiz va gʻayriinsoniy terrori sabab boʻlganiga shubha yoʻq”, — deya xulosa qildi Mers.

 

Ayni vaqtda AQSh prezidenti Donald Tramp Gʻazo sektoridagi vaziyatni “dahshatli” deb atadi va falastinlik tinch aholiga gumanitar yordam yetkazilishi davom etishini maʼlum qildi. Oq uy rahbari taʼkidlaganidek, "Isroil mintaqaga yordam yuklarning yetib borishini taʼminlash uchun katta masʼuliyat yuklaydi".

Eslatib oʻtamiz, bir kun avval Isroil mudofaa kuchlari (IDF) Telegram'da Gʻazo sektoriga yetib kelayotgan insonparvarlik yordami hajmini oshirish uchun gumanitar maqsadlarda mahalliy vaqt bilan 10:00 dan 20:00 gacha (Moskva vaqti bilan toʻgʻri keladi) harbiy amaliyotlarda taktik pauza joriy etishini maʼlum qilgan edi.

Maʼlum boʻlishicha, Isroilning bu qarori BMT va xalqaro tashkilotlar bilan kelishilgan.

Bundan tashqari, mahalliy vaqt bilan soat 06:00 dan 23:00 gacha BMT aholiga oziq-ovqat hamda dori-darmonlarni yetkazib beruvchi va tarqatuvchi gumanitar karvonlarning sektor boʻylab xavfsiz oʻtishini taʼminlash uchun maxsus yoʻnalishlar tashkil etiladi.

Gumanitar yordam olib ketayotgan birinchi yuk mashinalari avvalroq Misr va Gʻazo sektori oʻrtasidagi Rafah chegara punktini kesib oʻtgan.