Собиқ биринчи хонимнинг қамоқ муддатини узайтирган жанубий кореялик судья ўлик ҳолда топилди

Ўтган ой собиқ биринчи хонимнинг қамоқ жазосини икки баробардан кўпроққа оширган Жанубий Кореялик судья чоршанба куни ўлик ҳолда топилди, деб хабар берди полиция.

“Шин Жонг-о сешанба куни маҳаллий вақт билан тахминан 1:00 атрофида Сеул Олий суди биносида ҳушсиз ҳолда топилган”, - деди Сеочо тумани полиция бўлими терговчиси AFP агентлигига.

“Шин шифохонага олиб борилган ва у ерда вафот этгани қайд этилган. Унинг ўлимида қотиллик аломатлари йўқ”, дея қўшимча қилди у.

Ўтган ойда Шин 53 ёшли Ким Кеон Ҳеэнинг апелляция иши бўйича судга раислик қилиб, уни акцияларни манипуляция қилиш ва порахўрликда айбдор деб топган ва жазо муддатини 20 ойдан тўрт йилга оширган эди.

Қуйи суднинг акцияларни манипуляция қилиш айблови бўйича оқлов ҳукми бекор қилинганидан сўнг, унга нисбатан оғирроқ жазо тайинланди.

Ўшанда судья Ким Ҳеэнинг “ўз айбини тан олмасдан, доимий равишда баҳоналарга ўтганини” айтган.

Полиция терговчиси чоршанба куни Шиннинг мотам тутаётган оиласи воқеадан чуқур қайғуда эканлигини ва шахсий дахлсизликни сўраётганини маълум қилди.