Барча янгиликлар

17 октябрь куни Украина делегацияси АҚШга боради. Улар Оқ уйда Трамп билан мулоқот қилади. Бу ҳақда Володимир Зеленский ўзининг Telegram саҳифасида маълум қилди.

Ўзбекистон Савдо-саноат палатаси раиси Даврон Ваҳобов Афғонистон Савдо ва инвестициялар палатаси (ACCI) раиси ўринбосари жаноб Ариян Азимий бошчилигидаги делегация билан учрашув ўтказди.

Тошкентликлар Шота Руставели кўчасидаги жамоат транспорти ишидан норозилик билдирмоқда. Facebook’даги «Потребитель.uz» саҳифасида йўловчилар ушбу йўналишда ҳаракатланувчи автобуслар доим тўла ҳолда келаётгани ҳақида ёзган. Уларнинг айтишича, айниқса «пик» соатларида автобусга чиқишнинг иложи йўқ — транспорт бекатдан одамга лиқ тўлиб жўнаб кетади. 

Ўзбекистон президенти Шавкат Мирзиёев 15 октябрь куни Тошкентда Саудия Арабистони Подшоҳлиги инвестициялар вазири Холид ал-Фалиҳни қабул қилди. Бу ҳақда давлат раҳбари матбоут хизмати хабар қилди.

Қамчиқ довонида 90 гектарлик майдонни қамраб олувчи туризм маскани барпо этилади. Лойиҳани Австриянинг Doppleymayr/ Garvante гуруҳи амалга оширади.

БМТ Тараққиёт дастури администратори ёрдам дастурининг махсус вакили Яко Силлиерснинг маълум қилишича, Ғазо секторидаги вайроналарни тиклаш учун тахминан 70 миллиард доллар сарфланиши кутилмоқда. Бу баҳолаш БМТ, Европа Иттифоқи ва Жаҳон банки томонидан ўтказилган қўшма таҳлил натижасига асосланган. 

Россия Савдо-саноат палатаси витсе-президенти Елена Дибова маълумотларига кўра, қамоқхонадаги шахслар 2019 йилда ойига ўртача 14,7 минг рубль олган. Ҳозирги вақтда уларнинг ойлиги 33 минг рублга етган. Шу тариқа маҳкумларнинг маоши 125 фоизга ошган. Бу вақтда мамлакатдаги ўқитувчиларнинг ойлиги 20 минг рублга ҳам етмайди.

Биргина 2025 йилнинг ўзида жаҳонда бир қанча урушлар ва ҳарбий тўқнашувлар содир бўлди. АМиллатлар Ташкилоти ҳеч нарса қила олмади. Ҳозиргача давом этиб келаётган Исроил можароси ва Россия-Украина уруши ҳали ҳам тугагани йўқ. Бу воқеаларда ҳам БМТ бирор иш қила олмаётгани бугун ҳеч кимга сир эмас. Хўш, нега? Бир неча ой олдин БМТни бутунлай ислоҳ қилиш кераклиги ҳақида гапирган мамлакат етакчилари БМТ Ассамблеяси нутқида бу ҳақда ҳар ҳолда гапирмади. Ташкилот бутунлай тугатилиб, ўрнига бошқа ташкилот очилиши керакми ёки у қайтадан ислоҳ қилиниши? Paradigma.uz студиясида шу ҳақида сиёсатшунос Фарҳод Толипов билан суҳбатлашдик.

Мадагаскарда ҳарбий тузилмалар мамлакат ҳокимиятини қўлга олди. Президент Андри Раджоэлина бир неча ҳафта давом этган оммавий норозиликлар ва ҳарбий босимдан сўнг лавозимидан ағдарилди.

15 октябрга ўтар кечаси Покистоннинг Хайбер-Пахтунхва вилояти Кўрамм туманида Покистон қўшинлари билан Афғонистон томонидаги тузилмалар ўртасида янги отишмалар кузатилди. Покистон давлат ОАВлари «афғон хизматлари ва ТТП (Tehreek-e-Taliban Pakistan) гуруҳлари провокация учун ўт очди» дея хабар берди; Покистон армияси «қатъий зарба билан» жавоб қайтарганини, бир қатор постлар ва танклар зарарланганини билдирди, дея хабар берди AP News.

Ўзбекистон Бош консулхонаси кўмагида Россиянинг Челябинск вилоятида ота-она қарамоғисиз қолган беш нафар вояга етмаган болаларнинг юртимизга қайтиши таъминланди.

Ўзбекистоннинг рақамли экотизими — Uzum миллий почта оператори UzPost’ни хусусийлаштириш жараёнида иштирок этиш учун расман ариза топширди. Компания давлат улушини сотиб олишга тайёрлигини билдириб, тижорий самарадорлик билан бирга ижтимоий мажбуриятлар ўртасидаги мувозанатни сақлаш муҳимлигини таъкидлади.

Жорий йил бошидан буён Ўзбекистонда 32 мингдан ортиқ ажрашиш ва 16 мингта алимент тўламаслик ҳолати қайд этилган. Ҳукумат ёшлар орасида никоҳ шартномаси тузишнинг аҳамияти ҳақидаги маълумотни кенг тарқатишни режалаштирмоқда — бу турмуш ўртоқлар ва болалар ҳуқуқларини ҳимоя қилиш усули сифатида кўрилмоқда. 

Бектемир туманида 9-синф ўқувчиси 3-синф ўқувчисига тан жароҳати етказгани ҳақидаги ҳолат бўйича ўсмирнинг онаси маъмурий жавобгарликка тортилди. Бу ҳақда пойтахт ИИББ хабар берди.

Исроил армияси Ғазо секторидаги тинч аҳолига ўт очиши натижасида уч нафар фаластинлик ҳалок бўлди. Улар уйларига қайтишга ҳаракат қилаётган фуқаролар бўлган.

Ўзбекистон ва Human Rights Watch Варшавадаги конференцияда инсон ҳуқуқлари бўйича мажбуриятларни бажариш масаласини муҳокама қилди 

Чирчиқ тумани ҳоким ёрдамчилари аҳоли бандлигини таъминлашда ғайриқонуний ёллардан фойдалангани маълум бўлди. Улар тадбиркорлик субъектларининг электрон калитидан ғайриқонуний ёллардан фойдаланган. Ҳоким ёрдамчиларига шаҳар ҳокими интизомий жазо берган.

Миллий статистика қўмитаси маълумотларига кўра, 2025 йилнинг январь–август ойларида Ўзбекистонда 1,1 млн дона автомобил кузовлари ишлаб чиқарилган.

Черногория ҳукумати Европа Иттифоқи талабларига мувофиқлаштириш доирасида Ўзбекистон фуқаролари учун вақтинчалик визасиз режимни бекор қилди. 

Президентнинг 2025 йил 8 октябрдаги фармонига мувофиқ, иссиқхона хўжаликлари фаолияти самарадорлигини ошириш ва экспорт ҳажмини кўпайтириш бўйича қўшимча чора-тадбирлар белгиланди.