updated: 22.03.2026, 06:45

Самарқандда 14-ЮНЕСКО Ёшлар Форуми старт олди

Бу йилги форум «Иқлим ҳаракати ва унинг ижтимоий таъсири, айниқса ёшлар учун» мавзусига бағишланиб, дунё бўйлаб 140 та мамлакатдан 150 нафарга яқин ёш етакчини бирлаштирди. Форумга Бангладешнинг ЮНЕСКОдаги доимий вакили, Бош конференциянинг 43-сессияси раиси Хондкер Муҳаммад Талҳа ташриф буюрди.

Ўзбекистон

27.10.2025, 17:02

Lotinchada

Улашиш:

Самарқандда 14-ЮНЕСКО Ёшлар Форуми старт олди

2025 йилнинг 27–28 октябрь кунлари Самарқанд шаҳрида 14-ЮНЕСКО Ёшлар Форуми бўлиб ўтмоқда. Бу йилги форум «Иқлим ҳаракати ва унинг ижтимоий таъсири, айниқса ёшлар учун» мавзусига бағишланиб, дунё бўйлаб 140 та мамлакатдан 150 нафарга яқин ёш етакчини бирлаштирди.

ЮНЕСКО ва Ўзбекистон Ҳукумати ҳамкорлигида ўтказилаётган мазкур нуфузли халқаро анжуман доирасида интерактив сессиялар ташкил қилиниб, ёшлар иқлим ўзгариши ва ижтимоий масалаларга оид ташаббус ва ғояларни муҳокама қилмоқда. Форум ёшлар ўртасида тажриба алмашиш, халқаро ҳамкорликни мустаҳкамлаш ва глобал муаммолар ечимини топишда фаол иштирок этиш имкониятини яратмоқда.

Шу муносабат билан Ўзбекистонга Бангладешнинг ЮНЕСКОдаги доимий вакили, Бош конференциянинг 43-сессияси раиси Хондкер Мухаммад Талҳа расмий ташриф буюрди. Унинг иштирокидаги тадбирлар форум аҳамиятини янада оширди.

Форумнинг Самарқандда ўтказилиши шаҳарнинг маданий ва тарихий марказ сифатидаги нуфузини намоён этмоқда. Жаҳон ҳамжамияти эътибори минтақанинг сайёҳлик салоҳиятини ривожлантиришга хизмат қилмоқда. Бу эса шаҳарга ташриф буюрган меҳмонларга унинг бой тарихи ва маданий мероси билан яқиндан танишиш имконини бермоқда.

Ўзбекистон

27.10.2025, 17:02

Улашиш:

#самарқанд #ЮНЕСКО #ёшлар форуми

мавзуга оид янгиликлар