Тергов ҳибсхоналарида айрим тартиб-қоидалар қайта кўриб чиқилади

Хусусан, тергов ҳибсхоналарида сақланаётган шахсларга татбиқ этилаётган айрим тартиб-қоидаларни қайта кўриб чиқиш, уларнинг кундалик эҳтиёжларини яхшироқ таъминлаш ва инсонпарварлик стандартларини мустаҳкамлашга қаратилган қонун лойиҳаси кўриб чиқилди.

Ўзбекистон

19.11.2025, 17:41

Lotinchada

Улашиш:

2025 йил 18 ноябр куни Олий Мажлис Қонунчилик палатасининг навбатдаги ялпи мажлисида Омбудсман Ф. Эшматова томонидан тақдим этилган “Жиноят ишини юритиш чоғида қамоқда сақлаш тўғрисида”ги қонунга ўзгартишлар киритиш бўйича қонунчилик таклифи кўриб чиқилди ва депутатлар томонидан маъқулланди.

Мажлисда Омбудсман таклифларнинг сабаблари ва ҳуқуқий асосларини баён қилди. Қонун лойиҳаси тергов ҳибсхоналарида сақланаётган шахсларга татбиқ этилаётган айрим тартиб-қоидаларни қайта кўриб чиқиш, уларнинг кундалик эҳтиёжларини яхшироқ таъминлаш ва инсонпарварлик стандартларини мустаҳкамлашга қаратилган.

Хусусан, лойиҳа қуйидагиларни назарда тутади:

Дам олиш ва ишланмайдиган байрам кунларида камида икки соат сайр қилишга рухсат бериш.
Шу кунларда қўшимча кийим-бош ва пойабзал олиш имконияти.
Ойига минимал иш ҳақининг бир бараваригача миқдорда озиқ-овқат ва энг зарур буюмларга харажат қилиш ҳуқуқи.

Қонунчилик таклифларини тайёрлашда АҚШ, Швеция, Норвегия, Финляндия, Германия, Канада ва МДҲ давлатлари тажрибаси ўрганилган бўлиб, миллий қонунчиликни халқаро мезонларга мослаштириш зарурлиги таъкидланган.

Депутатлар мазкур таклифни қўллаб-қувватлашди. Қонунчилик ўз кучига кириши билан озодликдан маҳрум этилган шахсларнинг инсонпарварлик ҳуқуқлари мустаҳкамланади, тузалиш йўлига ўтиш имконияти кенгаяди ва миллий қонунчилик халқаро амалиётга яқинлашади.

Ўзбекистон

19.11.2025, 17:41

Улашиш:

#омбудсман #маҳбуслар #тергов ҳибсхонаси

мавзуга оид янгиликлар