Трамп баёноти ортидан нефт нархлари кескин ошди

Халқаро манбаларга кўра, Brent нефти фючерслари аввалги савдода 0,75% га пасайган бўлса-да, кейинчалик 6,71 долларга (7,05%) ошиб, бир баррел учун 101,90 долларга етди. Шунингдек, АҚШнинг West Texas Intermediate (WTI) нефти ҳам сезиларли ўсиб, 7,59 долларга (7,86%) қимматлашган ва бир баррел учун 104,16 доллардан сотилган.

Мутахассислар ушбу кескин ўсишни геосиёсий вазият билан боғламоқда. Хусусан, АҚШ президенти Дональд Трампнинг Ҳўрмуз бўғози билан боғлиқ баёноти бозорга жиддий таъсир кўрсатган.

Маълум қилинишича, АҚШ Марказий қўмондонлиги 13 апрель куни Ҳўрмуз бўғозини блокада қилиш режасини эълон қилган. Ушбу чеклов Эрон портларига кирувчи ва чиқувчи барча денгиз транспортига татбиқ этилиши айтилмоқда.

Таҳлилчиларга кўра, Ҳўрмуз бўғози орқали дунё нефтининг катта қисми ташилади. Шу боис бу ҳудуддаги ҳар қандай кескинлик жаҳон энергетика бозорига бевосита таъсир кўрсатади.

Айни пайтда бозор иштирокчилари вазият ривожини диққат билан кузатмоқда. Геосиёсий хатарлар сақланиб қолар экан, нефт нархларининг янада ўзгариши эҳтимоли юқори.