2026/2027 ўқув йили учун 1-синфга қабул санаси эълон қилинди

Маълум қилинишича, жорий йилда қабул жараёни янада кенгайтирилди. Хусусан, давлат хизматлари орқали қабул амалга ошириладиган туман (шаҳар)лар сони 64 тадан 135 тага, мактаблар сони эса 1956 тадан 5689 тага етказилди.

Қабул жараёни икки босқичда ташкил этилади:

• 20 июндан 31 июлга қадар — бириктирилган микроҳудуд доирасида;
• 1 августдан 31 августга қадар — бириктирилган ҳудуддан ташқарида.

Аризалар my.gov.uz портали ёки Мактабгача ва мактаб таълими вазирлигининг my.maktab.uz электрон платформаси орқали қабул қилинади.

Амалдаги тартибга кўра, болалар 7 ёшга тўлган йили 1-синфга қабул қилинади. Шу асосда, 2026/2027 ўқув йили учун 2019 йил 31 декабрга қадар туғилган болалар мактабга қабул қилинади.