“Тонировка” арзонлашиши мумкин

Лойиҳага кўра, енгил автомобиль тоифасидаги оид автотранспорт воситаларининг орқа ва олд ён ойналарининг тусини ўзгартириш учун ҳар йили 1 майдан – 31 августгача бериладиган рухсатномалар берилишини йўлга қўйилиши кўзда тутилган.

Тўлов эса, жисмоний ва юридик шахслар учун – ҳозирги пайтда БҲМнинг 1 баравари миқдорида яъни 412 минг сўм. Ўзбекистонда фаолият кўрсатаётган хорижий давлатлар юридик шахслари учун — БҲМ'нинг 5 баравари миқдори яъни 2 млн 60 минг сўм.

Бунда, қисқа муддатли рухсатнома учун тўлов рухсатнома расмийлаштирилган санадан қатъи назар, тўлиқ ҳажмда амалга оширилади. Шунингдек, орқа ва олд ён ойналарининг тусини ўзгартириш (қорайтириш) учун 1 йил муддатга бериладиган узоқ муддатли рухсатнома бўйича жисмоний ва юридик шахслар учун — БҲМнинг 8 баравари миқдорини ва Ўзбекистон да фаолият кўрсатаётган хорижий давлатлар юридик шахслари учун — БҲМнинг 14 баравари миқдорини ташкил этади.