Ўзбекистондан Афғонистонга навбатдаги инсонпарварлик ёрдами етказилди

Маълум қилинишича, қарийб 200 тонна озиқ-овқат маҳсулотларидан иборат гуманитар юк Ўзбекистон халқининг бағрикенглиги ва қўллаб-қувватлаш рамзи сифатида юборилган.

Инсонпарварлик юки Ҳайратон шаҳридаги “Astras” компанияси ҳудудида расмий тарзда топширилди. Тадбирда Ўзбекистон Республикаси Президентининг Афғонистон бўйича махсус вакили Исматилла Иргашев, Сурхондарё вилояти ҳокими Улуғбек Қосимов, Балх вилояти губернатори ўринбосари Нурулҳоди Абуидрис ҳамда икки давлат расмийлари иштирок этди.

Гуманитар ёрдам таркибига:

• ун;
• гуруч;
• шакар;
• макарон маҳсулотлари;
• қандолат маҳсулотлари;
• ўсимлик ёғи;
• нўхот;

• тез тайёрланадиган озиқ-овқат маҳсулотлари киритилган.

  

Афғонистон расмийлари Ўзбекистон президенти ва халқига кўрсатилаётган инсонпарварлик ёрдами учун миннатдорчилик билдириб, Қурбон ҳайити муносабати билан самимий табрикларини йўллади.