Пойтахт марказидаги иккита кўчада транспорт ҳаракати вақтинча чекланади

Тошкентнинг туризм салоҳиятини халқаро миқёсда тарғиб этишга қаратилган йирик кино лойиҳаси доирасидаги тасвирга олиш ишлари муносабати билан 16 сентябрь куни соат 09:00 дан 16:00 гача қуйидаги кўча қисмларида транспорт воситалари ҳаракати вақтинча тўлиқ чекланади:

— Зарафшон кўчаси —" Hyatt Regency Tashkent" меҳмонхонасининг назорат-ўтказиш пунктидан Мустақиллик шоҳкўчасигача;

— Истиқлол кўчаси — Амир Темур шоҳкўчасидан Буюк Турон кўчасигача.

Ҳайдовчилардан сафар йўналишларини олдиндан режалаштириш ва муқобил йўллардан фойдаланишларини сўралади.