Ўзбекистонда банк карталари сони кескин ошиб бормоқда

Жорий йил 1 октябрь ҳолатига кўра, Ўзбекистонда муомалада бўлган банк пластик карталари 63,64 миллион донани ташкил этди. 2022 йилнинг шу даврида мазкур кўрсаткич 31,8 миллионта бўлган. Демак, сўнгги уч йилда карталар сони икки баробарга ошган. Солиштириш учун:
— 2023 йил октябрида — 41,3 млн,
— 2024 йил октябрида — 53,6 млн донани ташкил этган.

Октябрь ойи бошига келиб, мамлакат бўйлаб ўрнатилган тўлов терминаллари 430,2 мингтага етди. Бу бир йил аввалгига нисбатан 6 мингта, икки йил аввалгига нисбатан 900 та кўп. Бироқ 2022 йил 1 октябрда терминаллар сони 432,2 мингта, 2021 йилда эса 435 мингга яқин бўлган. Сўнгги йилларда терминаллар сони пасайгани кузатилса-да, улар орқали амалга оширилаётган тўловлар ҳажми ўсмоқда:
— 2025 йил январ–октябрда — 318,2 трлн сўм,
— 2024 йилда — 237,5 трлн сўм,
— 2023 йилда — 181,5 трлн сўм.

Шу билан бирга, охирги уч йилда республикадаги банкомат ва инфокиосклар сони икки баробар кўпайган. Агар 2022 йил 1 октябрда уларнинг сони 19,3 мингта бўлган бўлса, 2025 йил октябрига келиб 38,1 мингтага етган.