2000 mingga yaqin sanʼatkorlar soliq deklaratsiyasini toʻldirdi

Maʼlum boʻlishicha, qoʻmita tomonidan avvalroq “Konsert-tomosha faoliyati” xizmati boʻyicha “Soliq” mobil ilovasida soliq deklaratsiyasini yuborish yoʻlga qoʻyilgan. Ushbu xizmat xonanda va ijrochilarga yillik daromadlari boʻyicha deklaratsiyani soliq organlariga taqdim etish imkonini beradi.

“Bu orqali ular konstitutsiyaviy burchi boʻlgan – daromad soligʻini toʻlash majburiyatini bajarmoqda”, — deyiladi qoʻmita xabarida.

Mazkur tizim “Oʻzbekkonsert” davlat muassasasining maʼlumotlar bazasi bilan integratsiyalashgan holda ishlaydi.

Soliq deklaratsiyasini toʻldirgan eng koʻp hududlar beshtaligi quyidagicha shakllangan:

Xorazm viloyatida – 294 nafar;

Toshkent shahrida – 291 nafar.

Buxoro viloyatida – 212 nafar;

Samarqand viloyatida – 207 nafar;

Toshkent viloyatida – 157 nafar.

Litsenziyaga ega boʻlgan sanʼatkorlar ilovada oʻz shaxsini va Face ID'sini tasdiqlaganidan soʻng xizmatdan avtomatik ravishda foydalanishi mumkin. Qoʻmita maʼlumotlariga koʻra, 1954 nafar litsenziya egasi soliq deklaratsiyasini topshirgan.