Qozogʻistondagi 42 ta qishloq maktabi Starlink tizimiga ulanadi

Mazkur viloyatda yana 10 ta qishloqda aloqa va 7 ta qishloqda umuman internet mavjud emas.

Viloyat hokimligi matbuot xizmatining maʼlumotiga koʻra, hududdagi 352 ta qishloq aholi punktidan 342 tasi (97,1%) mobil aloqa bilan, 343 ta qishloq (97,4%) esa mobil va statsionar internet bilan taʼminlangan. Shunga qaramasdan, 10 ta qishloqda umuman aloqa yoʻq, 7 tasida esa internet mavjud emas. Internetsiz qolgan joylar – texnik jihatdan amalga oshirish uchun qoʻshimcha yechimlar talab etiladigan kichik va olis joylashgan aholi punktlaridir.

“Qishloq maktablarini internetga ulash ishlariga alohida eʼtibor qaratilmayapti. 2024 yili 33 ta maktab Starlink tizimi orqali internet bilan jihozlandi. Yana 42 ta maktab yangi oʻquv yili boshida ulanadi. Barcha maktablarni 1 sentabrgacha ulash rejalashtirilgan”, — deb xabar qildi viloyat hokimligi matbuot xizmati.

Bundan tashqari, “Qulay internet” milliy loyihasi doirasida tolali-optik aloqa tarmoqlarini qurish faol olib borilmoqda. 2027 yilga qadar viloyatning 207 ta qishlogʻini qamrab olish rejalashtirilgan. Olis va kam aholi yashaydigan hududlarda KazSat, OneWeb va Starlink sputnik texnologiyalari asosida muqobil yechimlar joriy etilmoqda.