Frank Riberi, Roberto Karlos, Kannavarro, Materatssi va boshqalar Oʻzbekistonga kelmoqda

Joriy yilning 26-27 avgust kunlari Oʻzbekiston sporti tarixida yana bir unutilmas sahifa ochiladi. Oʻzbekistonga dunyoning eng mashhur futbol yulduzlari tashrif buyurmoqda.

Jumladan:

Dida — Jahon chempioni, "Milan" tarkibida UEFA Chempionlari Ligasining ikki karra gʻolibi.

Roberto Karlos — kuchli zarbalari bilan nom qozongan, dunyoning eng yaxshi chap qanot himoyachilaridan biri, Jahon chempioni, UEFA Chempionlari Ligasining uch karra gʻolibi.

Fabio Kannavaro — Jahon chempioni, "Oltin toʻp" sohibi, 2006-yilda jahonning eng yaxshi futbolchisi deb topilgan yagona himoyachi.

Marko Materatssi — Jahon chempioni, UEFA chempionlari ligasi gʻolibi.

Maykon — "Inter"ning eng yaxshi himoyachilaridan biri, UEFA Chempionlari Ligasi gʻolibi.

Kristian Zakkardo — 2006 yilgi jahon chempioni, italiyalik himoyachi.

Klarens Zeyedorf — "Milan" afsonasi, Chempionlari ligasini uch xil klub bilan yutgan yagona futbolchi.

Serjino — "Milan"ning chap qanot himoyachisi, sermahsul paslari bilan tanilgan.

Frank Riberi — "Bavariya" klubining afsonaviy yarim himoyachisi, UEFA Chempionlari Ligasi gʻolibi.

Kevin Kurani — Germaniya terma jamoasi sobiq hujumchisi, "Shalke-04" klubi afsonasi.

Mazkur yulduzlar 26 avgust kuni “Humo Arena” sport majmuasida BMB hamda "Oil Star" jamoalari oʻrtasida boʻlib oʻtadigan futzal boʻyicha Oʻzbekiston Superkubogi-2025 uchrashuviga  tashrif buyurishi va muxlislar bilan uchrashishi rejalashtirilgan.

27 avgust sanasida esa bir qator uchrashuvlar oʻtkazilishi dasturga kiritilgan. Shuningdek, Oʻzbekiston hamda Jahon futboli afsonalari oʻrtasida oʻrtoqlik uchrashuvi oʻtkazilishi belgilangan. Oʻyinning boshlanish vaqti hamda manzili haqida qoʻshimcha maʼlumot beriladi.