Eron nega Ozarbayjonni nishonga oldi?

Shu bois mamlakatning nima sababdan hujumga tutilgani haqida savollar tugʻilmoqda.

Maʼlumotlarga koʻra, Eron tomonidan Naxichevan avtonom respublikasidagi aeroportga dronlar uchirilgan. Biroq Tehron bu holat yuzasidan rasmiy izoh bergani yoʻq.

Kuzatuvchilar fikricha, bu holatning sabablaridan biri Bokunung AQSh va Isroil bilan yaqin strategik hamkorligi boʻlishi mumkin.

Aholisining katta qismi shia musulmonlardan iborat boʻlgan dunyoviy Ozarbayjon va Isroil oʻrtasidagi aloqalar 2000 yillardan beri faol rivojlanib kelmoqda. Boku Isroil qurol-yarogʻlarining asosiy xaridorlaridan biri hisoblanadi, Isroil esa Ozarbayjondan katta miqdorda neft import qiladi.

Shuningdek, ikki davlat razvedka sohasida, ayniqsa Eronni kuzatish masalasida hamkorlik qilishi haqida maʼlumotlar bor.

Tehron esa anchadan beri Bokuni oʻz hududida Mossad faoliyat yuritishiga yoʻl qoʻyib berganlikda ayblab keladi. Eron iddaosiga koʻra, mazkur agentlik vakillari eronlik yadrochi olimlarga qarshi suiqasdlarda Ozarbayjon hududidan foydalangan. Boku esa bu ayblovlarni keskin rad etib kelmoqda.