Moʻgʻulistondan Oʻzbekistonga qoʻy olib kelinishi boshlandi

Navoiy xalqaro aeroportiga Moʻgʻulistondan “jonli” yuk bilan birinchi parvoz amalga oshirildi — Oʻzbekistonga ming bosh “Bayad” zotli qoʻylar keltirildi. 

Bu Oʻzbekiston va Moʻgʻuliston oʻrtasida chorvachilik sohasida davlat rahbarlari darajasida erishilgan ikki tomonlama kelishuv doirasidagi birinchi partiyadir.

Parvoz Qirgʻizistonning “KAP KG” ixtisoslashtirilgan yuk aviakompaniyasi tomonidan amalga oshirildi. Yetkazib berilgan yukning umumiy ogʻirligi 37 tonnani tashkil etdi.

Rejaga koʻra, oktabr oyi oxirigacha 60 ta parvoz amalga oshirilib, 50 ming bosh mayda qoramol yetkazib beriladi. Yil oxirigacha umumiy koʻrsatkichni 100 ming boshga yetkazish uchun noyabr va dekabr oylarida ham xuddi shunday hajmdagi yuk tashish rejalashtirilgan.

Yetkazib berish shartnomasi shu yilning iyun oyida Oʻzbekiston prezidenti Shavkat Mirziyoyev va Moʻgʻuliston prezidenti Uxnaagiin Xurelsuxning uchrashuvi davomida imzolangan edi. Uzoq muddatli istiqbolda 2029 yilga borib Oʻzbekistonda ushbu zotga mansub qoʻy va echkilar sonini 1 million boshga yetkazish rejalashtirilgan.

Qaytish doirasida Oʻzbekiston meva-sabzavotlarini Moʻgʻulistonga 123 ta havo yuk parvozlarida yetkazish rejalashtirilgan. Barcha parvozlar Navoiy xalqaro aeroporti orqali amalga oshiriladi.