Buxoroning tarixiy qismida yongʻin kelib chiqdi

Favqulodda vaziyatlar vazirligiga koʻra, yongʻin kechasi soat 00:45 da Buxoro shahri Zarafshon mahallasi Mustaqillik koʻchasida sodir boʻlayotgani haqida xabar kelib tushgan.

Hodisa joyiga 5 ta yongʻin-qutqaruv ekipaji soat 00”49 da yetib borgan. Yongʻin 00:53 da yongʻinni oʻrab olingan va soat 1:50 da olov butkul oʻchirilgan.

Dastlabki maʼlumotlarga koʻra, yongʻin natijasida taxminan 100 metr kvadrat maydonda oshxonaning tom qismi zarar koʻrgan. Vazirlikning qayd etishicha, hodisa oqibatida insonlar tan jarohati olmagan.

Hozirgi vaqtda yongʻin kelib chiqish sabablari hamda yetkazilgan moddiy zarar miqdorini aniqlash ishlari olib borilmoqda.