Shavkat Mirziyoyev Gruziyaning “Oltin mo‘yna” ordeni bilan taqdirlandi

Tbilisi shahridagi tadbirlar doirasida O‘zbekiston Respublikasi Prezidenti Shavkat Mirziyoyevni Gruziyaning oliy davlat mukofoti – “Oltin mo‘yna” ordeni bilan taqdirlash marosimi bo‘lib o‘tdi.

"Oltin mo‘yna" —  oliy mukofot

1998-yilda ta’sis etilgan “Oltin mo‘yna” ordeni mamlakatning oliy davlat mukofotlaridan biri bo‘lib, xorijiy davlatlar va xalqaro tashkilotlar bilan aloqalarni mustahkamlash hamda gruzin madaniyati, ilm-fani va san’atini targ‘ib etish borasidagi alohida xizmatlar uchun beriladi.

Ordenning nomi Oltin mo‘yna haqidagi qadimgi yunon afsonasi hamda hozirgi Gruziya hududida joylashgan tarixiy o‘lka – Kolxida bilan bog‘liq.

Mazkur mukofot bilan turli yillarda:

• Buyuk Britaniya Qirolichasi Yelizaveta II;
• Iordaniya Podshohi Abdulla II;
• Germaniya Kansleri Gerxard Shryoder;
• Turkiya Prezidenti Rejep Tayyip Erdog‘an;
• Ozarbayjon Prezidenti Haydar Aliyev va boshqalar taqdirlangan.

Shuningdek, O‘zbekiston rahbari Orbeliani saroyining Faxriy mehmonlar kitobiga samimiy tilaklarini yozib qoldirdi.