Surxondaryoda odamlar evakuatsiya qilindi

Qayd etilishicha, voqea Surxondaryo viloyati Boysun tumani "Koʻlqamish" MFY hududida joylashgan "Mustaqillikning 25 yilligi" koniga qarashli 604-son qudugʻida burgʻilash ishlari olib borilayotganda kuzatilgan. Shu vaqtda konda texnik nosozlik yuzaga kelib, oltingugurt (vodorod sulfid) gazi sizib chiqqan. 

"Shundan soʻng, aholi xavfsizligini taʼminlash maqsadida kon yaqinida yashovchi fuqarolar xavfsiz hududga evakuatsiya qilingan. Fuqarolarni tan jarohati olish va halok boʻlish holatlari qayd etilmagan", deyiladi xabarda. 

Maʼlumot uchun, oltingugurt (sulfid) tabiiy moddalar orasida keng tarqalgan elementlardan biri boʻlib, u koʻplab sanoat va ilmiy sohalarda qoʻllaniladi. Ammo, oltingugurt inson salomatligiga yomon taʼsir koʻrsatadi. Odamlarda yoʻtal va astma simptomlarini paydo qiladi. Shuningdek, koʻzlar va terida qichishishni, qizarishni keltirib chiqarishi mumkin.