Ukrainadagi urushda asirlikka tushgan oʻzbekistonliklar soni ortmoqda. Biznikilar hamon sukutda

2025 yil boshidan shu davrga qadar Rossiya 902 nafar Oʻzbekiston fuqarosini Ukraina bilan boʻlayotgan urushga yollagan. Hozirda Ukrainada harbiy asirlikda 33 ta davlatning fuqarolari bor. Ular orasida Oʻzbekiston fuqarolari soni koʻpligi boʻyicha yetakchilik qilmoqda. Bu haqda Ukraina razvedkasining “Xochu jit” loyihasi xabar qildi.

Ulashish:

Ukrainadagi urushda asirlikka tushgan oʻzbekistonliklar soni ortmoqda. Biznikilar hali ham sukutda

Unda yozilishicha, oʻzbekistonlik yollanma askarlar roʻyxati eʼlon qilinganidan soʻng mamlakatda fuqarolarning jangovar harakatlardagi ishtiroki toʻgʻrisidagi maʼlumotlar tekshirilishi boshlangani va yollanma askarlarga nisbatan jinoiy taʼqib kuchaytirilganiga qaramay, Rossiya ularni yollash boʻyicha harakatlarini yanada faollashtirishda davom etmoqda.  

 

Maʼlum boʻlishicha, Ukrainaning Rossiya Qurolli Kuchlaridagi manbalari Rossiya armiyasi bilan shartnoma imzolagan barcha shaxslar haqida maʼlumot olmoqda. 2025 yilda Rossiya 902 nafar Oʻzbekiston fuqarosini urushga jalb etishga ulgurgan. Bu urushga jalb etish odamlarning oʻz xohishi bilan emas, balki Rossiyada davlat xohishi bilan amalga oshmoqda.

 

Federatsiya urushga yollash boʻyicha eski usurllatdan foydalanmoqda. Yaʼni Rossiyaga mehnat muhojiri sifatida kelgan Oʻzbekiston fuqarolari yuqori maosh toʻlanadigan ish bahonasi bilan - masalan, qurilishlarda yoki armiyaning orqa front boʻlinmalarida ishga taklif qilinmoqda. Ularga asosiy ragʻbatlaridan biri Federatsiya fuqaroligini vaʼda qilmoqda.

 

Loyihaga koʻra, Rossiya qamoqxonalarida jazo muddatini oʻtayotganlarga tahdidlar,  ruhiy bosim va  shantaj orqali urushda qatnashishga majburlashmoqda. 

 

Shu bilan birga loyiha maʼlumotlariga koʻra, 2025 yil 5 iyun kuni Kursk viloyatidagi    "Postoyalыe Dvorы " poligonida Oʻzbekiston Respublikasi Qurolli Kuchlari delegatsiyasining norasmiy tashrifi boʻlib oʻtgan. Delegatsiyaga Oʻzbekiston mudofaa vaziri oʻrinbosari polkovnik Alisher Norboyev boshchilik qilgan. Delegatsiyaga Leningrad harbiy okrugi harbiy xizmatchilariga jangovar tayyorgarlik elementlari boʻyicha maʼruza qilgan.

 

PARADIGMA.UZ mazkur xabarga aniqlik kiritish maqsadida Oʻzbekiston Mudofaa vazirligi bilan bogʻlandi.

Vazirlik matbuot xizmatiga koʻra, bu boʻlmagan gap. Vazir oʻrinbosari Alisher Norboyev delegatsiyasi Rossiya harbiy poligoniga tashrif buyurmagan.

Shuningdek, PARADIGMA.UZ muxbiri Ukrainadagi urushda asirlikka tushgan oʻzbekistonliklarni vataniga qaytarish boʻyicha bergan savoliga esa bu ish bilan Tashqi ishlar vazirligi shugʻullanishini aytdi.

 

PARADIGMA.UZ muxbiri shu masala boʻyicha Tashqi ishlar vaziri Ahror Burhonov bilan bogʻlandi.

Burhonov ushbu masalani surishtirib, batafsil maʼlumot berishini aytdi.

PARADIGMA.UZ vazirlik xabarini kutadi.

 

 Eslatib oʻtamiz, avvalroq joriy yilning aprel oyida Ukraina razvedkasiga tegishli ushbu loyiha Rossiya tomonidan urushga yollangan 1110 nafar Oʻzbekiston fuqarolarining roʻyxatini eʼlon qilgan edi.

 

Ushbu roʻyxatga koʻra, ismi keltirilgan shaxslarning kamida 109 nafari urushda halok boʻlgani va Rossiya tomonidan urushda qatnashayotgan oʻzbekistonliklarning eng yoshi 21 yosh eng kattasi esa 62 yosh ekanligi aytilgan edi.

 

Ushbu xabardan keyin Oʻzbekiston jamiyatida keng eʼtirozlar kelib chiqqan edi. Mazkur hodisani yoritgan oʻzbek OAV va Telegram kanallari adminlariga Ommaviy kommunikatsiyalar masalalari boʻyicha markaz nomidan ushbu postni 24 soat ichida oʻchirib tashlash talabi qoʻyila boshladi.

Keyinchalik, hukumatga tegishli “Pressuzb” Telegram kanali bu xabarni soxta va bu kanalda hech qanday ID raqam mavjud emasligini yozib chiqdi. 

 

“Xabarnoma yuborilgan hisoblar tekshirilganda, ularning soxta profil ekani maʼlum boʻldi.

Shuningdek, markaz masʼullari bilan bogʻlanilganda, bu borada markaz tomonidan hech qanday xabarnoma yuborilmagani aniqlandi”, — deyiladi xabarda.

 

Shundan soʻng Oʻzbekiston Tashqi ishlar vazirligi rasmiy munosabat chiqqan edi. Ushbu roʻyxat boʻyicha tekshiruv ishlari olib boshlanganini maʼlum qilgan edi. 

 

Shu voqealar fonida Ukrainada asirlikka tushgan oʻzbekistonliklar prezident Shavkat Mirziyoyevga videomurojaat yoʻllab, ularni almashinuv yoʻli bilan asirlikdan tezroq qaytarishga koʻmaklashishini soʻragan edi.

So‘nggi yangiliklar

Isitish mavsumida tabiiy gaz isteʼmoli boʻyicha baʼzaviy meʼyor 5 barobarga oshiriladi

Prezident qaroriga muvofiq, 2025/2026 yilgi kuz-qish mavsumida tabiiy gaz isteʼmoli uchun “bazaviy meʼyor” sezilarli darajada oshiriladi. Noyabr - fevral oylarida har bir oy uchun 500 kub metrgacha, mart - oktabrda esa har oy uchun 100 kub metrgacha “bazaviy meʼyor” belgilandi.

Oʻzbekiston

30.10.2025, 17:05

Angrenda qaynonasi va erini oʻldirgan ayol 12 yilga qamaldi

Angren shahrida sodir boʻlgan shafqatsiz jinoyat yuzasidan sud hukmi eʼlon qilindi. Maʼlumotlarga koʻra, bir ayol oʻz qaynonasi va erini oʻldirgani uchun javobgarlikka tortildi. Sud qaroriga koʻra, u 12 yil 3 oy ozodlikdan mahrum qilish jazosiga hukm qilindi.

Oʻzbekiston

30.10.2025, 14:21

Yangi aeroport qurilishi uchun aholi uylari buziladimi?

Toshkent viloyatining Oʻrta Chirchiq va Quyi Chirchiq tumanlari tutash hududida bunyod etilayotgan Yangi Toshkent xalqaro aeroporti loyihasi doirasida ayrim aholi xonadonlari hamda bino-inshootlarni buzish rejalashtirilgani maʼlum qilindi.

Oʻzbekiston

30.10.2025, 12:33

Prezidentning tegishli farmonlari bilan tayinlovlar amalga oshirildi

Oʻzbekiston Respublikasi prezidentining tegishli farmonlari bilan bir qator yangi tayinlovlar amalga oshirildi.

Oʻzbekiston

30.10.2025, 10:51

Quruq vaʼda: 1 yildan buyon gazlashtirilmagan xonadonlarga imtiyoz berish tartibi ishlab chiqilmayapti

2024 yil oktabr oyida energetika vaziri Joʻrabek Mirzamahmudov gaz taʼminotiga ulanmagan hovlisi bor uy-joylar uchun ham elektr energiyasi tarifiga 50 foizlik chegirma berilishi va bu 2025  yil 1 yanvardan joriy etilishi rejalashtirilayotganini aytgandi. Biroq oradan 1 yildan koʻproq vaqt oʻtgan boʻlsa-da, mazkur tartib joriy etilmadi.

Oʻzbekiston

30.10.2025, 08:19

Yangi versiyadagi Cobalt uchun onlayn kontraktatsiya 3 noyabr kuni ochiladi

Cobalt’ning yangi versiyalari uchun kontraktatsiya 3 noyabr soat 10:00 dan boshlab ochiladi. Savdolar faqat UzAvtoSavdo sayti va ilovasi orqali boʻladi. Oʻsha kuni barcha Chevrolet dilerlik markazlari yopiladi va UzAuto Motors savdo tizimidan uziladi.

Iqtisodiyot

29.10.2025, 15:47

III Osiyo yoshlar oʻyinlari: oʻzbekistonliklar yana 13 ta medalni qoʻlga kiritdi

Respublika terma jamoasi aʼzolari boks, suzish, gandbol, ogʻir atletika, futzal, erkin kurash va velosport boʻyicha musobaqalarda ishtirok etib, 5 ta oltin va 8 ta bronza medalini qoʻlga kiritishdi.

Sport

29.10.2025, 15:10

Oʻzbekistonda nafaqa pullarini kreditga yechib olish taqiqlanadi

Yangi qoidalarga koʻra, banklar pensiya, davlat ijtimoiy nafaqalari va yordamlari sifatida tushadigan mablagʻlar, shuningdek, ijtimoiy kartalarga tushgan summalar hisobidan kredit qarzdorligini undirishi mumkin emas.

Oʻzbekiston

29.10.2025, 15:05

Isitish tizimi qachon yoqiladi va harorat qanday boʻlishi kerak?

Amaldagi qonunchilikka koʻra, turar-joy binolarida isitish mavsumi tashqi havoning oʻrtacha sutkalik harorati besh kun mobaynida 8 darajadan past saqlanganidan keyingi kuni boshlanadi. Mos ravishda, harorat ushbu chegaradan yuqori boʻlganda isitish oʻchiriladi.

Oʻzbekiston

29.10.2025, 14:57

Yashnobodda ijaraga olingan uyda narkolaboratoriya aniqlandi

Yashnabod tumanida fuqarolar vaqtincha yashab kelgan xonadonda narkolaboratoriya tashkil etilgani ham aniqlangan. U yerdan 50 kilogramm va 1200 dona qadoqlangan pregabalin, 2 kilogramm hamda 400 dona qadoqlangan tropikamid, 2 litrda xomashyolar, 112 ming ta qadoqlash uchun kerakli vositalar aniqlangan.

Oʻzbekiston

29.10.2025, 14:51

Milliy sertifikat imtihoni javoblari sotilgani rostmi?

Bilim va malakalarni baholash agentligi soʻnggi kunlarda ona tili va adabiyot fanidan boʻlib oʻtadigan milliy sertifikat imtihonlari oldidan «test savollari va ularning javoblari sotilayotgani» haqida ijtimoiy tarmoqlarda tarqalayotgan xabarlar yuzasidan rasmiy munosabat bildirdi.

Oʻzbekiston

29.10.2025, 14:47

«Neftchi» haqidagi bayonoti uchun Berdiyevga nisbatan tekshiruv boshlandi

Oʻzbekiston futbol assotsiatsiyasi «Nasaf» klubi bosh murabbiyi Roʻziqul Berdiyevning Olmaliqdagi uchrashuvdan keyingi matbuot anjumanida bildirgan fikrlari yuzasidan rasmiy surishtiruv oʻtkazishini maʼlum qildi.

Sport

29.10.2025, 12:36