Yangi qurilayotgan uydan xonadon sotib olişda qaysi hujjatlarni tekşiriş kerak?

Avvalo, quriliş obyektiga örnatilgan QR-kodni skaner qiliş va dshk.shaffofqurilish.uz sayti orqali obyekt haqidagi ma'lumotlarni oliş kerak. Unda obyekt nomi, buyurtmaçi, loyihaçi va quruvçi taşkilotlar, manzil, arxitektura-şaharsozlik kengaşi xulosasi, loyiha hujjatlarining ekspertiza xulosasi hamda quriliş-montaj işlarini boşlaş uçun berilgan ruxsatnoma haqidagi ma'lumotlar körsatiladi.

Obyektning maqsadini ham tekşiriş lozim. Arxitektura-şaharsozlik kengaşi xulosasi va ekspertiza hujjatlarida binoning turar joy yoki noturar joy ekani, qavatlar soni, quriliş materiallari va boşqa muhim ma'lumotlar aks etadi. Masalan, sotuvçi uyni 16 qavatli turar joy sifatida taqdim etsa, hujjatlarda ham aynan şu ma'lumot bölişi kerak.

Sotib olinayotgan xonadonning loyihada mavjudligini soliştiriş zarur. Şartnomada körsatilgan blok, qavat, xonadon raqami va maydon tasdiqlangan loyiha hujjatlaridagi ma'lumotlarga mos kelişi kerak.

Quriliş-montaj işlarini boşlaş uçun ruxsatnoma mavjudligini tekşiriş kerak. Obyekt hududiy nazorat inspeksiyasida belgilangan tartibda röyxatdan ötgan yoki tegişli ruxsatnomaga ega bölişi lozim. Agar quriliş obyekti nazorat inspeksiyasida röyxatdan ötmagan bölsa, bunday quriliş noqonuniy hisoblanadi.

Yer uçastkasiga bölgan huquqni tasdiqlovçi hujjatlar ham örganilişi kerak. Xaridor quruvçidan yerga bölgan huquqni tasdiqlovçi hujjatlarni körsatişni söraşi mumkin. Yerga bölgan huquq tasdiqlanmagan bölsa, pul tölaşga şoşilmaslik tavsiya etiladi.

Loyiha hujjatlarining ijobiy ekspertiza xulosasi mavjudligini tekşiriş ham muhim. Unda obyektning qavatlari, konstruksiyasi, loyihaviy yeçimlari va boşqa muhim ma'lumotlarni köriş mumkin.

Şartnomani rasmiylaştiriş tartibiga alohida e'tibor beriş kerak. Qurilayotgan uydan uluş asosida xonadon olinayotgan bölsa, şartnoma notarial tasdiqlangan va kadastr organlarida davlat röyxatidan ötgan bölişi kerak. Faqat quruvçining ofisida imzolangan oddiy şartnoma bilan çeklanmaslik lozim.

Tölov qanday amalga oşirilişiga ham e'tibor beriş zarur. 2026 yilda uluşdor mablağlari belgilangan tartibda eskrou hisobvaraği orqali tölanişi kerak. Pulni quruvçining şaxsiy bank kartasiga yoki şubhali hisob raqamlariga ötkazmaslik tavsiya etiladi.

Uy foydalanişga qabul qilingan-qilinmaganini ham tekşiriş kerak. Quriliş yakunlangaç, obyektdan foydalanişga ruxsat berilgan bölişi lozim. Quruvçining "kalit tayyor, köçib kiravering" degan gapi rasmiy hujjat örnini bosa olmaydi.

Xonadon topşirilgaç, qabul-topşiriş dalolatnomasi imzolanadi, mulk huquqi davlat röyxatidan ötkaziladi va kadastr xonadon egasi nomiga rasmiylaştiriladi.

Şahar hokimligi fuqarolarga xonadon sotib olişdan oldin yerga bölgan huquq, QR-kod, quriliş ruxsatnomasi, tasdiqlangan loyiha, ekspertiza xulosasi, xonadonning loyihadagi mavjudligi, şartnoma, eskrou orqali tölov, foydalanişga qabul qiliş va kadastr bilan boğliq hujjatlarni sinçiklab tekşirişni tavsiya qilmoqda.

Agar hujjatlarning birortasida şubha tuğilsa, şartnoma imzolaş yoki pul tölaşga şoşilmaslik kerak.