Собиқ Чорсу меҳмонхонаси ўрнидаги мажмуанинг қурилиши йил охиригача бошланади

Чорсу by Manar/Янги Чорсу (якуний номи белгиланмаган) лойиҳасига кўра, собиқ Чорсу меҳмонхонаси ўрнида умумий майдони 100 минг квадрат метрдан ортиқ бўлган кўп функцияли мажмуа барпо этилади.

Ҳудуднинг асосий қисми уй-жой учун ажратилади — 38,3 минг кв.метр. Савдо зоналари ва меҳмонхона майдонлари учун ҳар бирига 20 минг кв.метрдан ажратилади. Яна 14 минг кв.метр офис майдонларини ташкил этади.

Developer ўз пресс-релизида таъкидлашича, лойиҳа турар-жой, халқаро даражадаги меҳмонхона, замонавий бизнес кластери, пиёдалар кўчалари, яшил ҳудудлар ва дам олиш майдончалари бўлган жамоат жойларини қамраб олади.

Архитектуравий концепция муаллифи рус ва немис меъмори, Германия меъморлари уюшмаси (BDA) аъзоси, Thoban Voss асосчиси Сергей Чобан ҳисобланади.

Manar Development бош директори Даврон Файзиматовнинг маълум қилишича, лойиҳани амалга ошириш учун $100 млн дан ортиқ сармоя киритилади.

Унга кўра, мазкур лойиҳани амалга ошириш учун инвестициялар банк кредитларини жалб қилмасдан, Manar Development'нинг ўз маблағлари ҳисобидан амалга оширилади.

Лойиҳа тахминан 3,5 йил давомида амалга оширилади. Дастлабки объектлар 2028 йилда фойдаланишга топширилиши, қурилиш ишлари эса 2029 йил охиригача тўлиқ якунланиши кутилмоқда.