Лукашенко Украинадаги уруш тугашини кутмоқда

«Украинадаги уруш яқин ойларда тугайди. Бу менинг шахсий фикрим. Ҳамманинг кучи қолмади, ресурслар йўқ, барча чарчади», – деди Лукашенко Минск шаҳрида ўтказилган Евроосиё хавфсизлиги бўйича конференцияда. Бу ҳақда «БелТА» ахборот агентлиги хабар берди.

Беларусь раҳбарининг таъкидлашича, Украинадаги ҳарбий можарони тўхтатиш зарур. Акс ҳолда, вазият учинчи жаҳон урушигача бориб етиши мумкин.

Лукашенко, шунингдек, Украинадаги можарога нисбатан айрим қарашлар фарқ қилишига қарамай, Беларусь ҳукумати Россия билан умумий сиёсий йўналишга содиқ қолишини билдирган.

У аввалроқ ҳам Украинадаги можарони яқин бир йил ичида тинч йўл билан ҳал қилиш мумкинлигини айтган эди. Беларусь президенти Россия, Беларусь ва Украина халқлари эртами-кечми яна бирга бўлишига ишонч билдирган.

Муаллиф: Ҳасанбой ОЧУН