Жиззахда фуқаро илонни тириклайин еб юборди

Унда айтилишича, ҳолат юзасидан Зомин тумани бўлими ва ИИБ ходимлари ҳамкорлигида ўрганиш ишлари олиб борилган. Ўрганиш давомида ушбу ҳолат  фуқаро  Қ.Ҳ. томонидан содир этилганлиги маълум бўлган.  

Фуқаро бу ҳаракати билан Ўзбекистон Республикасининг "Ҳайвонот дунёсини муҳофаза қилиш ва ундан фойдаланиш тўғрисида"ги қонунининг 4, 30, 51, 53-моддалари талабларини бузган. 

Давлат инспекторлари томонидан фуқарога нисбатан Маъмурий жавобгарлик тўғрисидаги кодекснинг 90-моддаси 1-қисми билан базавий ҳисоблаш миқдорининг 20 баравари (7,5 млн сўм) миқдорида  жарима қўлланилган. Шунингдек, 1 125 000 сўм миқдорида табиатга етказилган зарар ҳисобланган. 

Маълумот учун, кулвор илони (Натрих тесселлата) — сувда ва унинг яқинида яшайдиган илон тури бўлиб, у одатда дарёлар, кўллар, ботқоқлар ва сув ҳавзалари атрофида учрайди. Танасининг узунлиги 1 метргача етиши мумкин. 

Кулвор илони одамлар учун хавфсиз, заҳарли эмас ва асосан балиқ, қурбақа ҳамда бошқа сув жониворлари билан озиқланади. У ўзини хавф остида ҳис қилганда, ўзини ҳаракатсиз қилиб кўрсатиши мумкин.