Ким Чен Ин ўз аскарларини Россия учун Курскда жанг қилаётганини тан олди

Қайд этилишича, мазкур операция Украинанинг Россия Федерациясидагига “босқинини” қайтариш ва Курск вилоятини озод қилиш бўйича операция ғалаба билан якунлаган. 

Шунингдек, аскарлар КХДР раҳбари Ким Чен Ин фармойишига биноан мазкур Россия-Украина урушида қатнашган. Давлат раҳбари урушда қатнашган аскарларни "қаҳрамонлар" деб атаб, улар ўзининг юксак жанговар истеъдодини тўла намоён этганини айтмоқда. 

Ким Чен Иннинг айтишича, Шимолий Корея аскарлари Украинанинг "неонацизм" қўшинларини йўқ қилиш, руслар ҳудуди (Курск)дан гугурт чўплари ва масхарабозлардан (Украина қўшинлари ёки украиналиклар таҳрир.) озод қилишда муҳим ҳисса қўшган.

"Шундай зўр аскарлари борлиги давлатимиз учун фахр, халқимиз учун эса энг юксак қадр-қимматдир”" дейилади хабарда.

Маълум бўлишича, Шимолий Корея аскарларининг Россия учун Курск вилоятида жанг қилиши КХДР ва Россия ўртасида тузилган стратегик шериклик тўғрисидаги шартноманинг 4-моддасига асосланиб амалга оширилган.

“Ким Чен Ин буни КХДР ва Россия ўртасидаги анъанавий дўстлик ва ҳамжиҳатликни янада мустаҳкамлаш, икки давлат тараққиёти ва фаровонлигини кафолатлаш ҳамда Корея Халқ Демократик Республикаси шарафини ҳимоя қилишдек муқаддас миссия, деб белгилади”, дейилади хабарда.

Эслатиб ўтамиз, Жанубий Корея разведкаси, НАТО ва  АҚШ Давлат департаменти  Курс вилоятига 10 мингдан ортиқ Шимолий Корея аскарлари юборилганини маълум қилган эди. 

Жорий йилнинг январь ойида Украина аскарлари Курск вилоятида жанг қилаётган икки шимолий кореялик аскарни асирга олган эди. 12 январь куни куни Украина Президенти Владимир Зеленский уларни сўроққа тутилаётган акс этган видеоларни оммага эълон қилган эди. Видеода КХДР аскарлари қаерда эканлигини билмасликларини, уларга бу фақат ўқув машғулоти деб айтилганини таъкидлаган.