updated: 22.03.2026, 06:25

Қашқадарёда газ таъминоти ходими фуқарони уриб, жағини синдирди

Ижтимоий тармоқларда Қашқадарё вилоятида фуқаро газ таъминотининг масъул ходими томонидан калтаклагани тасвирга олинган видео тарқади. Мазкур ҳолатга вилоят газ таъминоти расмий муносабат билдирди.

Ўзбекистон

16.10.2024, 16:10

Lotinchada

Улашиш:

Qashqadaryoda gaz taʼminoti xodimi fuqaroni urib, jagʻini sindirdi

Қайд этилишича, воқеа кеча, 15 октябрь куни Қашқадарё вилояти Косон тумани "Этак" МФЙда содир бўлган. Шу маҳаллада яшовчи фуқаро уйида газ тез-тез узилиб тургани сабаб кўчасидаги қўшнилари билан маҳаллага келган ҳудуд газ таъминоти масъул ходимларининг ёнига чиққан.

Шу вақтда ходим ва фуқаролар ўртасида жанжал келиб чиқиб, ўрта ёшлар чамасидаги шахс газ таъминоти ходими томонидан калтакланган. Сўнг ҳолат тасвирга олинган. Видеода калтакланган фуқаронинг ерда хушсиз ётганини кўриш мумкин.

Дастлабки маълумотларга кўра, "Этак" маҳалласида уч ой мобайнида газда узилишлар бўлган. Ходим томонидан фуқаронинг калтакланиши оқибатида жағи синган.

Аммо вилоят газ таъминотининг муносабатида юқоридаги маҳалладаги газ узишишлари 100 кундан буён давом этаётгани инкор қилиниб, узилишлар 45-50 кун атрофида кузатилгани таъкидланган. Фуқарони калтаклаган ходимга эса маҳалланинг профилактика инспектори томонидан дастлабки суриштирув ишлари олиб борилаётгани билдирилган.

"Юқорида қайд этилган воқеа "Ҳудудгаз Қашқадарё" газ таъминоти филиали томонидан назоратга олинган ва ходимнинг хатти-ҳаракатларига нисбатан тегишли тартибда чора кўрилади. Ҳозирда "Этак" МФЙ профилактика инспектори томонидан дастлабки суриштирув ишлари олиб борилмоқда. Фуқаронинг жароҳатига нисбатан суд тиббий экспертизаси тайинланган", дейилади муносабатда.

Ўзбекистон

16.10.2024, 16:10

Улашиш:

#Қашқадарё

мавзуга оид янгиликлар