Самарқандда инспектор таҳдидларидан қўрққан ўсмир ўзини ёқиб юборди

Самарқанд вилояти Булунғур туманида 17 ёшли ўсмир профилактика инспектори томонидан тазйиққа учрагач ўз жонига қасд қилди. Оғир куйишлар билан икки ой даволанганига қарамай, у 2025 йил 6 май куни вафот этди. Суд инспекторни айбли деб топди ва озодликдан маҳрум қилди.

Ҳодиса тафсилотлари

2025 йил февралда вояга етмаган Б.Б. амакисининг Cobalt автомобилни рухсатсиз ҳайдаб кетгани хабар қилинган. Профилактика инспектори И.Х. ўсмирни Жиззах вилоятидан топиб, уйига олиб келган ва онасидан 400 минг сўм пул ўтказиб олган.

Қариндошларининг айтишича, инспектор болани “қамаласан” деган гаплар билан қўрқитган. 22 февралда Б.Б. стресс ва қўрқув таъсирида уйида дизел ёқилғиси билан ўзини ёқиб юборган.

Суд айблови ва ҳукм

Пайариқ туман суди инспектор И.Х.ни:

• 168-модда 3-қисм “в” (фирибгарлик)
• 207-модда 3-қисм “а” (мансабга совуққонлик одам ўлимига сабаб бўлиши) билан айбли деб топди ва
• 2 йил ИИБда ишлаш ҳуқуқидан маҳрум этилди,
• 2 йил 6 ой озодликдан маҳрум қилиш жазосига ҳукм қилинди.