updated: 22.03.2026, 13:21

Сирдарёда 300 га яқин мансабдор жаримага тортилди — Экология вазирлиги

Сирдарё вилоятида жорий йилнинг саккиз ойида экологияга бефарқ бўлган 267 нафар амалдор маъмурий жавобгарликка тортилди. Бу ҳақда Экология, атроф-муҳитни муҳофаза қилиш ва иқлим ўзгариши вазирлиги матбуот хизмати маълум қилди.

Ўзбекистон

12.09.2024, 14:16

Lotinchada

Улашиш:

Sirdaryoda 300 ga yaqin mansabdor jarimaga tortildi — Ekologiya vazirligi

Баён қилинишича, Сирдарё вилояти Экология, атроф-муҳитни муҳофаза қилиш ва иқлим ўзгариши бошқармаси томонидан "Яшил макон" умуммиллий лойиҳаси доирасида экилган кўчатларнинг парвариши бўйича доимий назорат рейдлари ўтказиб келинган.

"Рейдлар davomida жорий йилнинг 8 ойи davomida жами 267 нафар мансабдорга чора кўрилди. Бунда 2023 йил куз ва 2024 йил баҳор мавсумларида экилган кўчатларни парваришлашда агротехник ишлар бажарилмаганлиги ва суғориш тизими йўлга қўйилмаганлиги сабабли айрим кўчатлар қуриб қолди", дейилади хабарда.

Юқоридаги ҳолатлар юзасидан мансабдорларга нисбатан Ўзбекистон Республикаси Маъмурий жавобгарлик тўғрисидаги Кодексининг 79-моддаси 3-қисми ҳамда 95-моддалари билан маъмурий баённомалар расмийлаштирилган. Мансабдорларга нисбатан жами 730 миллион 150 минг сўм жарима қўлланилган.

Маълумот учун, Ўзбекистон Президентининг 2021 йил 30 декабрдаги “Республикада кўкаламзорлаштириш ишларини жадаллаштириш, дарахтлар муҳофазасини янада самарали ташкил этиш чора-тадбирлари тўғрисида”ги ПФ-46-сонли фармони ижроси таъминлаш мақсадида 2024 йилнинг баҳор мавсумида 125 миллион туп дарахт ва буталарни муҳофаза қилиш ҳамда яшил майдонларни кенгайтириш, "Яшил боғ", "Яшил белбоғ” ташкил этиш борасида 2024-йил 7 мартда 144-сонли Вазирлар Маҳкамасининг фармойиши қабул қилинган.

Ўзбекистон

12.09.2024, 14:16

Улашиш:

#Сирдарё #Экология

мавзуга оид янгиликлар