Хоразмда 1,6 млрд сўмлик ноқонуний тамаки маҳсулотлари аниқланди

Бош прокуратура ҳузуридаги Департаментнинг Янгиариқ тумани бўлими томонидан ўтказилган тезкор тадбирда “H.P.” МЧЖ дўкони сотувчиси харидорга хорижда ишлаб чиқарилган 3 дона электрон тамаки маҳсулотини 800 минг сўмга сотиш вақтида ушланган.

Текширувлар давомида Урганч шаҳрининг “Исломобод” маҳалласидаги хонадондан тегишли ҳужжатлари бўлмаган 32 турдаги жами 8 405 дона электрон тамаки воситалари, шу жумладан никотинли ёстиқчалар ва никотинли суюқликлар ашёвий далил сифатида мусодара қилинган.

Мазкур ҳолат юзасидан Жиноят кодексининг 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда муомалага киритиш ёки ишлаб чиқариш) бўйича жиноят иши қўзғатилиб, тергов ҳаракатлари олиб борилмоқда.