ЙПХ ходимини машинасида судраб кетган ҳайдовчига жиноят иши қўзғатилди

Текширувлар давомида 2001 йилда туғилган ҳайдовчи 144 марта қоидабузарликка йўл қўйгани, шундан 38 таси бўйича жарималар муддати ўтгани ва 30 таси Мажбурий ижро бюросига ўтказилгани аниқланган. Унинг умумий қарзи 18 миллион 90 минг сўмни ташкил этган.

Ҳайдовчи шу куниёқ қўлга олиниб, унга нисбатан Жиноят кодексининг 219-моддаси билан жиноят иши қўзғатилди. Тергов ҳаракатлари олиб борилмоқда.

Қонунга кўра, мазкур модда бўйича айбдор деб топилган шахс 50–100 баравар БҲМ миқдорида жарима, 360 соатгача мажбурий жамоат ишлари ёки 3 йилгача ахлоқ тузатиш ишлари, шунингдек, 1–3 йилгача озодликдан чеклаш ёки озодликдан маҳрум этилиши мумкин.

Йигит қилган ишидан афсусдалигини билдириб, жамоатчиликдан узр сўради:
«Ҳаракатни давом эттирдим, йўлдаги автомашиналар тўсиб, тўхтатишга ҳаракат қилди ва мен тўхтадим. Бу иш бу даражага етиб боради деб ўйламаганман. Ички ишлар ходимлари ва халқимдан кечиришларини сўрайман. Бундай хатони такрорламайман. Мендан кейинги тенгдошларимга ҳам маслаҳатим — бу ишни қилманглар, яхши оқибат бермайди», — деди у.