Қашқадарё вилоятида ишга киритиб қўйиш эвазига пул талаб қилган ФВБ ходими ушланди

Қашқадарё вилояти Шаҳрисабз тумани ФВБ бошлиғи 2 нафар фуқарони гўёки ишга киритиб қўйиш эвазига 6 минг АҚШ доллари талаб қилиб, 3,5 минг долларни олаётган вақтида ашёвий далиллар билан қўлга тушди. Бу ҳақда Давлат хавфсизлик хизмати хабар қилди.

Ўзбекистон

15.08.2025, 10:36

Lotinchada На русском языке

Улашиш:

Qashqadaryo viloyatida ish kiritib qoʻyish evaziga pul talab qilgan FVB xodimi ushlandi

Foto: Davlat xavfsizlik xizmati

Шаҳрисабз тумани фавқулодда вазиятлар бўлими бошлиғи 2 нафар фуқаронинг жорий йил июль ойида Фавқулодда вазиятлар вазирлигининг Шаҳрисабз ва Чироқчи туманлари бўлимларини касбийлаштирилган ёнғин-қутқарув қисмларига ҳайдовчи вазифасига ишга қабул қилинганликларидан фойдаланиб, гўёки уларнинг ишга киришларида кўмаклашганини рўкач қилган.

У бунинг эвазига фуқаролардан 6 минг доллар талаб қилган. Ўтказилган тезкор тадбирда мазкур мансабдор шахс Шаҳрисабз туман ФВБ маъмурий биносида сўралган пул маблағидан 3,5 минг АҚШ долларини олган вақтида ашёвий далиллар билан ушланди.

Унга нисбатан Жиноят Кодексининг 168 ва 211-моддалари билан жиноят иши қўзғатилиб, қамоқ эҳтиёт чораси қўлланилди. Тергов ҳаракатлари олиб борилмоқда.

Ишга киритиб қўйича эвазига пора олиш ҳолати Фарғона вилоятида ҳам кузатилди. Марғилон шаҳар Мактабгача ва мактаб таълими бўлими бош мутахассиси фуқарога давлат хусусий шерикчилик асосида боғча очиши учун вазирликда ишловчи танишлари орқали рухсатнома олиб бериш эвазига хизмат хонасида 2 минг АҚШ доллари олган вақтида ДХХ ва ИЖҚКД ходимлари томонидан ушланди.

Ҳозирда унга нисбатан Жиноят Кодексининг 168 ва 211-моддалари билан жиноят иши қўзғатилиб, тергов ҳаракатлари олиб борилмоқда.

Ўзбекистон

15.08.2025, 10:36

Улашиш:

#коррупция #ФВБ

мавзуга оид янгиликлар