«Қассом бригадаси» Ғазода яна бир исроиллик асирнинг жасадини Қизил Хочга топширди

Исроил армияси маълумотида қайд этилишича, Қизил Хоч тобутни қабул қилиб олган ва уни белгиланган жойда исроиллик ҳарбийларга топширган. Кейинчалик Исроилнинг Миллий суд-тиббий институти жасад шахсини аниқлаш бўйича экспертиза ўтказади. Агар у асирга тегишли экани тасдиқланса, Ғазода ҳозирда 15 нафар исроиллик асирнинг жасади қолади.

Бундан аввал ҲАМАС 13 та жасадни қайтарган эди. Улар орасида Непал ва Таиланд фуқаролари ҳам бўлгани айтилган, аммо Исроил тарафларидан бири бу маълумотни рад этган. Шу тариқа, ҳисобга кўра, 28 нафар ҳалок бўлган асирдан 16 нафари ҳали ҳам Ғазода қолмоқда.

Исроил эса ўз навбатида 150 нафар фаластинликнинг жасадини қайтарган. Маълумотларга кўра, қайтарилган жасадларда қийноқ излари кузатилган. Ғазода шахсни аниқлаш ускуналари йўқлиги сабабли, фаластинликлар жасадларнинг суратини эълон қилиб, уларни қариндошлари томонидан таниб олиниши учун жамоатчиликка ҳавола қилган.