Хитой Тайван бўғозида икки кунлик ўқув-жанговар машғулотларни бошлади

Хитой 23 июль куни жануби-шарқий Фужян провинцияси қирғоқлари яқинидаги Тайван бўғозининг айрим қисмларида икки кунлик ўқув-жанговар машғулотларни бошлади.

Бу хабар АҚШ Давлат котиби Марко Рубио ва Хитой Ташқи ишлар вазири Ван И ўртасида бир қатор масалалар, жумладан, Пекин ўз ҳудуди деб даъво қиладиган Тайван бўйича музокаралар ўтганидан бир кун ўтиб тарқалди.

Машғулотлар ҳар куни соат 6:00 дан 18:00 гача Гуандун провинцияси билан чегарадош Дуншан ороли атрофида ўтказилади.

11,1 миллиард долларлик қурол-яроғ

Хитой Тайванни қуршаб олган энг кенг кўламли ҳарбий машғулотларини декабрь ойида ўтказган. Бунга сабаб – АҚШ Пекиннинг суверенитет даъвосини рад этувчи мустақил бошқарувга эга ушбу оролга рекорд даражадаги 11,1 миллиард долларлик қурол-яроғ етказиб беришини эълон қилган эди.

Ўшанда 10 соат давом этган ўқув-жанговар машғулотлар пайтида Хитойнинг Шарқий ҳарбий округи қўмондонлиги Тайваннинг шимолий ва жанубий қисмидаги сув ҳавзаларига ракеталар учирган.