updated: 22.03.2026, 14:18

"Хочу жить" лойиҳаси: 2025 йилда Украинада 500 дан зиёд ўзбекистонлик ҳалок бўлди

«Хочу жить» лойиҳаси жорий йил Украинадаги уруш давомида ҳалок бўлган 500 нафар ўзбекистонлик фуқаролар рўйхатини эълон қилди. Ташкилотнинг таъкидлашича, Россия қўшинлари сафидаги ўзбек ёлланма аскарлар сони ўсишда давом этмоқда.

Ўзбекистон

29.10.2025, 16:34

На русском языке

Улашиш:

"Хочу жить" лойиҳаси: 2025 йилда Украинада 500 дан зиёд ўзбекистонлик ҳалок бўлди

Фото: Ситуативное

«Ўзбекистон Россия Қуролли Кучлари сафига жалб қилинган хорижлик ёлланма аскарлар сони бўйича етакчи ҳисобланади. Бизга Украинага қарши урушда қатнашган ёки қатнашаётган камида 2 715 нафар ўзбекистонлик фуқаронинг исмлари маълум, улар сони эса йилдан-йилга ошмоқда. 2023 йили 498 нафар ўзбек шартнома имзолаган, 2024 йили яна 941 нафари. 2025 йилнинг биринчи ярмида деярли 1 300 нафар ўзбекистонлик Россия Қуролли Кучлари таркибида урушга йўл олган. Эслатиб ўтамиз, бу фақат бизга аниқ маълум бўлганлар», дейилади хабарда.

Қайд этилишича, тез ва кўп пул ишлаш истаги ўзбекларни урушга бораётганининг асосий сабаби бўлиши мумкин. Шунингдек, алдов ва қўрқитиш йўллари билан урушга олиб кетилаётганлар ҳам йўқ эмас, аммо кўпчилик ўзбеклар урушга ихтиёрий равишда бораётгани тахмин қилинмоқда.

«Хочу жить» — бу Украина давлат лойиҳаси бўлиб, Россия ва Беларусия ҳарбий хизматчиларига, шунингдек, босиб олинган ҳудудларда сафарбар қилинган ва Украинага қарши урушда иштирок этишниистамайдиган шахсларга ёрдам бериш учун яратилган.

«Афсуски, Ўзбекистон Россияга ишлашга бораётган фуқаролари учун уларнинг урушга жалб этилиши хавфлари ҳақида қандайдир ахборот ишларини олиб бораётган бўлса ҳам, бу саъй-ҳаракатлар аёнки етарли эмас. Демак, ўзбеклар Россия босқинчи армиясининг “штурмовое мясо”сига айланишда давом этишлари аниқ», дейилади лойиҳа хабарида.

Ўзбекистон

29.10.2025, 16:34

Улашиш:

#Украинадаги уруш #хочу жить лойиҳаси

машҳур янгиликлар