"Eshak goʻshtiga yem boʻlgan qonun". Xalqni qoʻzgʻatgan loyiha ijro etiladimi?
Bir kunlik toʻy oʻtadi ketadi deyilganidek, kecha 17 sentabr kuni oʻzbek segmenti "Inbazar"dagi "samasud"lar mavzusini rasman toʻxtatdi. Endi odamlar Qonunchilik palatasining "Hayvonlarni identifikatsiya qilish, roʻyxatga olish va kuzatish toʻgʻrisida"gi qonun loyihasidagi qovun tushirishlarni muhokamaga koʻtarib, tarmoqlarda bisotidagi bor "yaxshi" soʻzlar bilan izohlar qoldirmoqda. Gap nima haqida ketayotganini yuqorida keltirilgan hayvon nomidan tushungan boʻlsangiz kerak. Bugun PARADIGMA.UZ kechadan buyon toʻxtamayotgan mojaro sababini batafsil eʼtiboringizga havola etadi.
Oʻzbekiston
18.09.2024, 12:27
Ulashish:
"Eshak goʻshtiga yem boʻlgan qonun". Xalqni qoʻzgʻatgan loyiha ijro etiladimi?
Kecha, 17 sentabr kuni Oliy Majlis Qonunchilik palatasining navbatdagi yigʻilishi boʻlib oʻtdi. Unda isteʼmol uchun ishlatiladigan goʻsht va boshqa mahsulotlardan olinadigan qoramol, qoʻy, echki, choʻchqa, ot, eshak va tuya kabi hayvon turlariga kasallik xavfini tugʻdirishi mumkin boʻlgan it, mushuklarni identifikatsiya qilish taklif etildi va bu loyiha deputatlar tomonidan birinchi oʻqishda qabul qilindi.
Aniqroq qilib aytadigan boʻlsak, mazkur loyihada chorva hayvonlarini identifikatsiya qilish boʻyicha yagona davlat siyosatini yuritish, hayvonlarda yuqumli kasalliklarning oldini olish hamda mamlakatda oziq-ovqat mahsulotlari xavfsizligini taʼminlash masalalari nazarda tutilgan. Xoʻsh, shunday boʻlsa nima boʻlibdi, bu yaxshi emasmi, deyishingiz mumkin. Biroq unda keltirilgan isteʼmol uchun ishlatiladigan hayvonlar orasida eshakni qayd etilgani muammoning asl oʻchogʻi boʻldi. Yigʻilish yuqori kayfiyatda tugab loyiha hech qanday eʼtirozlarsiz birinchi oʻqilishda qoʻllab quvvatlangani masʼullarga tatimadi. "Ijtimoiy tarmoqlarda endi eshak goʻshtini isteʼmol qilamizmi?", degan norozi kayfiyat shakllandi.
Mavzu yetarlicha muhokama qilinayotganda mazkur holat yuzasidan Oliy Majlis Qonunchilik palatasi spikeri oʻrinbosari Odiljon Tojiyev munosabat bildirdi. Unga koʻra, qonun loyihasida eshak goʻshtini isteʼmol uchun ishlatiladigan goʻsht toifasiga kiritish nazarda tutilmagan.
"Mazkur qonun loyihasini Qonunchilik palatasining qoʻmitasida, siyosiy partiyalar fraksiyalarida va yalpi majlisida koʻrib chiqish jarayonida deputatlar tomonidan eshak, it va mushukning identifikatsiya qilinishi asosligi boʻyicha eʼtirozlar bildirilgan. Eʼtirozlar qonun tashabbuskorlari tomonidan qabul qilinib, loyiha birinchi oʻqishda maʼqullangan taqdirda, ikkinchi oʻqishga tayyorlash jarayonida olib tashlanishi qayd etilgan. Qonun loyihasida eshak goʻshtini isteʼmol uchun ishlatiladigan goʻsht toifasiga kiritish nazarda tutilmagan", deya yozgan u.
Shuningdek, Odiljon Tojiyevning munosabatini qoʻllab hamfikr boʻlganlar ham yoʻq emas. Shular qatorida Oʻzbekiston Jurnalistika va ommaviy kommunikatsiyalar universiteti rektori Sherzodxon Qudratxoʻja ham bor. U Instagram sahifasiga post joylab, kuzatuvchilariga muammoni yiriklashtirmay tinchlanishlarini soʻragan.
"Eshak goʻshti boʻyicha axborotni uzatishda bitta jumla notoʻgʻri ketib qolgan. Tinch boʻlinglar moʻminlar!", deya post qoldirgan rektor.
Bundan tashqari, Ekologiya vazirining maslahatchisi Rasul Kusherboyev ham Tojiyevning munosabatini qoʻllab-quvvatladi.
"Qonunchilik palatasi spikeri oʻrinbosari Odiljon Tojiyevning maʼlum qilishicha, eshak goʻshti bilan bogʻliq qonun loyihasida uning goʻshtini isteʼmol uchun ishlatiladigan mahsulot toifasiga kiritish nazarda tutilmagan. Bu qonun "goʻsht isteʼmoli" haqida emas, balki hayvonlarni identifikatsiya qilish, roʻyxatga olish, kuzatish munosabatlarini tartibga soladi. Matbuot xabarnomasidagi tahririy xato tufayli tushunmovchilik kelib chiqqan", deydi vazir maslahatchisi.
Shuningdek, mazkur loyihani jurnalist, Gazeta.uz oʻzbek nashrining bosh muharriri — Muhrim Aʼzamxojayev Telegram'dagi sahifasida "Eshak goʻshtiga yem boʻlgan qonun", deya bu holatni kinoya ostiga olgan.
"Bugun, 17 sentabr kuni Toshkent vaqti bilan 16:54 da Internet jahon tarmogʻining oʻzbek segmentida "Inbazar mavzusi" oʻz oʻrnini "Eshak goʻshti mavzusi"ga rasman boʻshatib berdi. “Eshak goʻshtiga yem boʻlgan qonun!", deya fikr bildirgan jurnalist.
Maʼlumot uchun, "Hayvonlarni identifikatsiya qilish, roʻyxatga olish va kuzatish toʻgʻrisida" qonun loyihasi deputatlar tomonidan birinchi oʻqishda maʼqullangan boʻlsa ham, ikkinchi oʻqishga tayyorlash jarayonida olib tashlangan. Spiker oʻrinbosari Odiljon Tojiyev tomonidan berilgan birinchi xabar esa Telegram-kanaldan oʻchirib tashlangan.
Muallif: Javohir Yoʻldashov
Oʻzbekiston
18.09.2024, 12:27
Ulashish:
Mashhur yangiliklar
Toshkentda ilk bor Jordan Piterson va Mark Barton ishtirokida "Tafakkur transformatsiyasi" boʻyicha konferensiya boʻlib oʻtadi
Madaniy
26.08.2024, 11:29
Telegram asoschisi nega qamaldi?
Jahon
26.08.2024, 13:37
Surxondaryoda noqonuniy daraxt kesgan fuqaroga 9 millionga yaqin jarima belgilandi
Oʻzbekiston
28.08.2024, 10:13
Putinning ommaga oshkor qilinmagan oʻgʻillari aniqlandi
Jahon
05.09.2024, 13:44
Ukraina O‘zbekistondan nimalarni umid qilmoqda?
Siyosat
11.09.2024, 16:39
Ikkinchi sinf oʻquvchilaridan soliqlarni oʻz vaqtida toʻlash talab etildi
Ta'lim
05.09.2024, 13:23
So‘nggi yangiliklar
Havo harorati 32 darajagacha koʻtariladi — "Oʻzgidromet"
Oʻzbekiston
19.09.2024, 14:24
Keyingi yildan jamoat transporti uchun QQS imtiyozlari bekor qilinadi
Oʻzbekiston
19.09.2024, 12:31
Oʻzbekistonda odamlar goʻshtdan zaharlanyaptimi?
Oʻzbekiston
19.09.2024, 11:48
Kamqonlikni qanday yengish mumkin? Shifokor tavsiya berdi
Fan-texnologiya
19.09.2024, 11:18
Soliq qoʻmitasi ikkita bankka ogohlantirish berdi
Oʻzbekiston
19.09.2024, 10:37
Nodir Ganiyev Fransiya Prezidentiga ishonch yorligʻini topshirdi
Siyosat
19.09.2024, 10:05
Surxondaryoda yuz bergan katta YTH oqibatida uch kishi halok boʻldi
Oʻzbekiston
18.09.2024, 16:20
Uchta bankning 148 nafar xodimi tartibga chaqirildi
Oʻzbekiston
18.09.2024, 15:02
Navoiyda ellik yoshli "mirishkor" giyohvandlik moddasi bilan qoʻlga tushdi
Oʻzbekiston
18.09.2024, 14:28
Ertaga qaysi hududlarda yomgʻir yogʻishi aytildi
Oʻzbekiston
18.09.2024, 11:38
Urganch davlat universitetiga nisbatan ish qoʻzgʻatildi
Oʻzbekiston
18.09.2024, 11:05
Mashhur yangiliklar
Toshkentda ilk bor Jordan Piterson va Mark Barton ishtirokida "Tafakkur transformatsiyasi" boʻyicha konferensiya boʻlib oʻtadi
Madaniy
26.08.2024, 11:29
Telegram asoschisi nega qamaldi?
Jahon
26.08.2024, 13:37
Surxondaryoda noqonuniy daraxt kesgan fuqaroga 9 millionga yaqin jarima belgilandi
Oʻzbekiston
28.08.2024, 10:13
Putinning ommaga oshkor qilinmagan oʻgʻillari aniqlandi
Jahon
05.09.2024, 13:44
Ukraina O‘zbekistondan nimalarni umid qilmoqda?
Siyosat
11.09.2024, 16:39
Ikkinchi sinf oʻquvchilaridan soliqlarni oʻz vaqtida toʻlash talab etildi
Ta'lim
05.09.2024, 13:23