Fransiya 15 yoşgaça bölganlar uçun ijtimoiy tarmoqlarni taqiqlamoqda

Ijtimoiy tarmoqlarning bolalarga zarari haqidagi ogohlantirişlar köpayib borayotgani sababli, köpgina mamlakatlar, jumladan, Fransiya ham ijtimoiy tarmoqlardan foydalanişni çeklaş çoralarini körmoqda.

Prezident Emmanuel Makron uşbu taqiqni özining sönggi prezidentlik muddatidagi eng muhim islohot sifatida ilgari surdi va uni sentyabrgaça amalga oşirişga va’da berdi.

Qonun loyihasi 21-iyul kuni Senatda 243 kişi yoqlab, ikki kişi qarşi ovoz berişi bilan ma’qullandi.

“Fransiya bolalarni internetda yaxşiroq himoya qiliş uçun raqamli yoş çegarasini joriy etgan Yevropadagi birinçi davlat böladi”, — dedi Fransiya Raqamli texnologiyalar vaziri Ann Le Enanff X ijtimoiy tarmoğida.

Uşbu taqiq ikki bosqiçda amalga oşiriladi:

• 1-sentyabrdan 15 yoşga tölmaganlarning yangi akkaunt oçişi bloklanadi;
• 2027-yil yanvar oyidan boşlab taqiq mavjud akkauntlarga ham qöllanadi.

Le Enanff bu muddatlar işonçli bölib, yoşni tasdiqlovçi vositalar allaqaçon mavjud ekanligini va boşqalari işlab çiqilayotganini, şuningdek, qoidani joriy etiş mas’uliyati platformalar zimmasidaligini ta’kidladi.

"Tört oy davomida Fransiyadagi barça öz yoşini tasdiqlaşi kerak böladi. Agar foydalanuvçi 15 yoşdan kiçik bölsa, uning akkaunti yopiladi, — dedi u jurnalistlarga.

Şuningdek, vazir foydalanuvçilarning şaxsiy ma’lumotlari himoya qilinişiga kafolat berdi.