Mamlakat oltin zaxirasi rekord darajada oshdi

Qayd etilishicha, bu koʻrsatkich oʻtgan oyga nisbatan 193,7 million dollarga koʻp. Yil boshidan buyon mamlakatning oltin-valyuta zaxirasi 7,56 mlrd dollarga oʻsgan.

Zaxiralardagi oltinning fizik hajmi 20 ming troy unsiyaga (0,6 tonna) kamayib, 11,7 million troya unsiyasini (363,9 tonna) tashkil etdi. Shunga qaramay, oltin zaxiralarining qiymati narx oʻsishi hisobiga 38,68 milliard dollarga yetdi. Bu yangi rekord koʻrsatkich. Iyun oyidagi koʻrsatkichdan 265 million dollarga koʻpdir.

Valyuta zaxiralari esa 63,3 million dollarga qisqarib, 9,5 milliard dollarni tashkil etdi. Bu fevral oyidan beri qayd etilgan eng past koʻrsatkichdir.

Jahon oltin kengashi maʼlumotlariga koʻra, iyunda Oʻzbekiston dunyo boʻyicha eng koʻp oltin xarid qildi. 2025 yil iyun oyida dunyo markaziy banklari jami 22 tonna oltin sotib olgan. Bu ketma-ket uchinchi oyda oylik asosda talabning biroz ortganini anglatadi. Iyunda Oʻzbekiston 9 tonna oltin sotib oldi. Mamlakat toʻrt oy davom etgan “sotuv rejimidan” chiqib, yana oltin jamgʻarishni boshlagan.