Mavsum boshlandi: Oʻqishga kiritib qoʻymoqchi boʻlgan firibgarlar ushlandi

Unda qayd etilishicha, Fargʻona viloyati Qoʻshtepa tumanidagi maktab oʻqituvchisi Yozyovon tumanida yashovchi 3 nafar fuqaroni Qirgʻiziston davlat universitetiga oʻqishga kiritib qoʻyishni vaʼda qilgan. Buning  evaziga esa 6600 AQSh dollari soʻragan. Soʻralgan pullarni olayotgan vaqtida DXX xodimlari tomonidan ushlangan. 

Shu kabi Oʻzbekiston davlat jismoniy tarbiya va sport universiteti oʻqituvchisi Amudaryo tumanida yashovchi fuqaroni Urganch davlat universitetiga oʻqishga kiritib qoʻyishga vaʼda berib, fuqarodan 5 ming AQSh dollari pora soʻragan. U soʻralgan pulni olayotgan vaqtida ashyoviy dalillar bilan ushlangan. 

Shuningdek, fuqaroning mazkur ishga aloqador boʻlgan sherigi ham topilgan. U Oʻzbekiston davlat jismoniy tarbiya va sport universiteti mutaxassisi boʻlib ishlagan. Sherik talab qilingan pullarni olayotganda qoʻlga olingan. 

Bundan tashqari, Surxondaryo viloyatining Termiz shahrida yashovchi shaxs oʻzining hamshahariga pora evaziga ingliz tili boʻyicha “C1” darajadagi til bilish sertifikatini olib berishga kelishgan. Buning evaziga esa fuqarodan  2400 AQSh dollari va 1 250 ming soʻm talab qilib olgan vaqtida ushlangan. 

Hozirda ushbu shaxslarning barchasiga nisbatan jinoyat ishi qoʻzgʻatilib, tergov harakatlari olib borilmoqda.