Qozogʻistonda koʻpxotinlilik qonuniylashtirilishi mumkin

 U bu fikrni jurnalist Yerbol Seyilxan bilan suhbat chogʻida aytgan boʻlib, suhbatni bloger Sыrыm Itqulov oʻz Telegram-kanalida eʼlon qilgan.

Deputatning taʼkidlashicha, Qozogʻistonda koʻplab boy erkaklar allaqachon «tokal» bilan yashaydi va bu holat faqat amaldorlarga xos emas. U qadimiy qozoq anʼanasidagi «amengerlik» odatini esga oldi — unda erkak akasi vafot etganidan soʻng uning bevasi bilan turmush qurib, ayolni ijtimoiy jihatdan qoʻllab-quvvatlagan.

Biroq, deputatning fikricha, bu anʼana hozirda «boylarning oʻyinchogʻiga» aylanib qolgan, chunki hozirgi kunda «tokallar» asosan yosh qizlar boʻlib qolgan. 

Kuspan bu masalani parlament minbaridan qonun tashabbusi sifatida ilgari surmaganini, balki bu jurnalist savoliga berilgan shaxsiy fikr boʻlganini taʼkidladi.

«Deputat sifatida bu masalani minbarda koʻtarish niyatim yoʻq. Ammo bu Qozogʻistonda "tokallar" va nikohsiz tugʻilgan bolalar bilan bogʻliq muammo yoʻq degani emas. Bunday ijtimoiy muammo mavjud va erta-yu kech u qonuniy yechim talab qiladi», - degan u qoʻshimcha qilib.