Qozoğiston prezidenti Ukrainadagi uruşni muzlatişga çaqirdi

Qozoğiston prezidenti Qosim-Jomart Toqayev 25-iyul kuni tomonlar mojaroni muzlatib, muzokaralarni qayta boşlasa, Rossiya va Ukraina örtasidagi tinçlik kelişuviga erişiş mumkinligini aytdi.

Sibirning Omsk şahrida ötgan Rossiya–Qozoğiston forumida Rossiya prezidenti Vladimir Putin bilan birga sözga çiqqan Toqayev Putinning “diplomatik moslaşuvçanligi”ni yuqori baholadi.

“Mendan söralgani uçun kamtarona fikrimni bildiradigan bölsam, bu mojaroni muzlatib, Istanbul formulasining 2.0 talqiniga qaytiş vaqti keldi-yov”, — dedi u.

Moskva va Kiyev 2022-yil boşida Rossiyaning bosqinidan köp ötmay Istanbulda muzokaralarda qatnaşgan, biroq ular yutuqsiz yakunlangan.

“Gigant davlatlarning, jumladan, Rossiyaning (xavfsizlik) kafolatlari berilsa, biz uzoq kutilgan tinçlik sari olğa siljişimiz mumkin. Mojaroga albatta çek qöyiş kerak”, — dedi Toqayev.

TASS davlat axborot agentligi Kreml matbuot kotibi Dmitriy Peskovga tayanib yozişiça, Putin Toqayevga Rossiyaning Ukrainadagi harbiy amaliyotlarining hozirgi holati haqida batafsil ma’lumot bergan.

Peskovga köra, Kreml rahbari Kiyevning pozitsiyasini inobatga olganda, mojaroning özini muzlatib qöyiş imkonsizligini va agar Kiyev tegişli qarorlarni qabul qilsa, harbiy harakatlar bugunoq töxtaşini aytgan.

Putin nima istaydi?

Ötgan oy Putin Rossiyaning Ukraina bilan tinçlik bitimini imzolaş böyiça pozitsiyasi özgarişsiz qolayotganini ta’kidladi.

Unga köra, Ukraina Moskva öziniki deb da’vo qilayotgan törtta hududdan qöşinlarini olib çiqib ketişi va NATOga qöşiliş rejalaridan voz keçişi şart.