Toshkentda 2 ta "Cobalt" YTHga uchradi

Qayd etilishicha, avtohalokat kecha, 16 sentabr kuni soat 08:00 larda Mirzo Ulugʻbek tumani Yangi Oʻzbekiston koʻchasida sodir boʻlgan. Unda oq rangli "Cobalt"ni boshqarib ketayotgan 1991 yilda tugʻilgan haydovchi D.A. rul boshqaruvini yoʻqotib, yoʻl chetidagi toʻsiqqa urilib ketgan. 

Oqibatda oʻzi bilan bir yoʻnalishda harakatlanib ketayotgan 1997 yilda tugʻilgan A.D. boshqaruvida boʻlgan kulrangli "Cobalt" rusumli avtomashinaga urilib ketgan. Sodir boʻlgan yoʻl-transport hodisasida oq rangli "Cobalt" haydovchisi tan jarohati olgan.

"Yuqoridagi holat yuzasidan Toshkent shahar IIBB YHXB maʼsul xodimlari tomonidan surishtiruv ishlari olib borilmoqda", deyiladi xabarda.

Eslatib oʻtamiz, 2 sentabr kuni Toshkent shahrining Sergeli tumanida "Nexia-3" hamda "Damas" rusumli avtomashinalar oʻrtasida ham YTH sodir boʻlgan edi. Avtohalokat oqibatida haydovchilar tan jarohati olib, shifoxonaga yotqizilgan.