Toshkentda ikkita katta YTH sodir boʻldi

Unga koʻra, har ikkala holat ham 7 avgust kuni sodir boʻlgan. Shayxontohur tumanida kuzatilgan YTHda 7 ta avtomashina: 2 ta "Matiz", 1 ta "Nexia-3", 1 ta "Tracker", 1 ta "Onix", 1 ta "Chery", 1 ta "Isuzu" ishtirok etgan. 

Maʼlum boʻlishicha, bu hodisa "Chery" rusumli avtomashinaning haydovchisi harakat vaqtida bir yoʻnalishda toʻxtab turgan avtomobillar bilan toʻqnashgani sababli yuzaga kelgan. 

Shu kabi yana bir vaziyat poytaxtning Chilonzor tumani Bunyodkor shoh koʻchasida yuz bergan. Hodisa 5 ta avtomashina: "Matiz", "Spark", "Cobalt", "KIA", "BYD" ishtirokida boʻlgan. YTH oqibatida Bunyodkor shoh koʻchasi boʻylab 4 daqiqalik qisqa tirbandlik yuzaga kelgan. 

Ushbu har ikkala holatda ham tan jarohat olganlar yoʻqligi maʼlum qilingan. Hozirda holat yuzasidan Toshkent shahar IIBB YHXB xodimlari tomonidan surishtiruv harakatlari olib borilmoqda.