Uyida "marixuanna plantatsiyasi" yaratgan shaxs qoʻlga olindi

Joriy yilning 29 iyun kuni,  Fargʻona viloyati IIB hamda Margʻilon shahar IIB tezkor xodimlari tomonidan oʻtkazilgan “Qoradori-2024” tadbirida, 1971 yilda tugʻilgan, Tuyagum MFYda yashovchi A.K.ning yashash xonadoni xolislar ishtirokida koʻzdan kechirildi.

Maʼlum boʻlishicha, u xonadonidagi ekin maydonida 13 tup marixuana giyohvand oʻsimligini parvarishlab kelayotganligi aniqlandi.

Shuningdek, A.K. 10 dona 3 litrli idishda 12 kg 537 gr koʻknori boshoqlarini, 2 dona 3 litrli idishda 2 kg 570 gr marixuana moddasini, oq polietilen paketda esa, 41 gr gashish giyohvandlik moddasini hamda oq polietilen qopda 22 kg 550 gr koʻknori somonini saqlab kelayotganligi aniqlanib tegishli tartibda hujjatlar rasmiylashtirildi.

Jami olingan giyohvand moddalar miqdori 37 kilogrammdan ziyodni tashkil qildi.

Hozirda mazkur holat yuzasidan tergovga qadar tekshiruv harakatlari olib borilmoqda.