1 noyabrdan Oʻzbekistonda qanday oʻzgarishlar boʻladi?

Ishsizlik nafaqasi tartibi oʻzgaradi

– Endi ishsizlik nafaqasi faqat mehnat shartnomasi bekor qilingan shaxslarga toʻlanadi.
– Soʻnggi 5 yil ichida kamida 18 oy rasmiy ishlagan fuqarolar, shartnoma bekor qilinganidan keyin 6 oy ichida murojaat qilsalar, nafaqa olish huquqiga ega boʻladi.
– Nafaqa miqdori:

• 1-oyda — oʻrtacha ish haqining 75 foizi,
• 2-3-oylarda — 50 foizi miqdorida toʻlanadi.

 Yakka tadbirkorlar va oʻzini oʻzi band qilganlar uchun maxsus huquqiy rejim

– Bu tizim 2030 yil 31 dekabrgacha amal qiladi.
– “Elektron hamyon”, QR-kod va “tap to pay” texnologiyalari joriy etiladi.
– Barcha hisob-kitoblar, soliq va bank xizmatlari raqamli platforma orqali amalga oshiriladi.

 Davlat apparatida optimallashtirish amalga oshiriladi

– 2141 ta shtat birligi qisqartiriladi, shundan:

• 1863 ta — byudjet tashkilotlarida,

• 278 ta — byudjetdan tashqari jamgʻarmalarda.

  – Bu orqali byudjet xarajatlari qisqartiriladi, davlat boshqaruvida samaradorlik oshiriladi.

 Raqamli davlat xizmatlari kengayadi

– Fuqarolardan endi qagʻoz hujjat talab qilinmaydi.
– Maʼlumotlar davlat maʼlumotlar bazalari orqali avtomatik tekshiriladi.
– Bank va toʻlov tizimlari orqali xizmat koʻrsatish imkoniyatlari kengaydi.

 Qishloq xoʻjaligi va eksport sohasida yangiliklar

– Qishloq xoʻjaligi mahsulotlarini jismoniy shaxslardan naqd pulga sotib olishda elektron dalolatnoma rasmiylashtiriladi.
– Avtomobilga gaz ballon oʻrnatilganda transport vositasini qayta roʻyxatdan oʻtkazish shart emas.