Xitoy Tayvan böğozida ikki kunlik öquv-jangovar maşğulotlarni boşladi

Xitoy 23-iyul kuni janubi-şarqiy Fujyan provinsiyasi qirğoqlari yaqinidagi Tayvan böğozining ayrim qismlarida ikki kunlik öquv-jangovar maşğulotlarni boşladi.

Bu xabar AQŞ Davlat kotibi Marko Rubio va Xitoy Taşqi işlar vaziri Van I örtasida bir qator masalalar, jumladan, Pekin öz hududi deb da’vo qiladigan Tayvan böyiça muzokaralar ötganidan bir kun ötib tarqaldi.

Maşğulotlar har kuni soat 6:00 dan 18:00 gaça Guandun provinsiyasi bilan çegaradoş Dunşan oroli atrofida ötkaziladi.

Xitoy Tayvanni qurşab olgan eng keng kölamli harbiy maşğulotlarini dekabr oyida ötkazgan. Bunga sabab – AQŞ Pekinning suverenitet da’vosini rad etuvçi mustaqil boşqaruvga ega uşbu orolga rekord darajadagi 11,1 milliard dollarlik qurol-yaroğ yetkazib berişini e’lon qilgan edi.

Öşanda 10 soat davom etgan öquv-jangovar maşğulotlar paytida Xitoyning Şarqiy harbiy okrugi qömondonligi Tayvanning şimoliy va janubiy qismidagi suv havzalariga raketalar uçirgan.